அன்னபூரணிக்கு எதிர்ப்பு : ‛யாரையும் புண்படுத்தும் நோக்கமல்ல...

நயன்தாராவின் 75வது படமாக ‛அன்னபூரணி" கடந்தாண்டு இறுதியில் திரைக்கு வந்தது. இதில் சமையல்கலை நிபுணராக நயன்தாரா நடித்தார். அவருடன் ஜெய், சத்யராஜ் ஆகியோரும் நடித்தனர். தியேட்டரை விட்டு வெளியேறிய இந்தபடம் சமீபத்தில் ஓடிடியில் வெளியானது.

இந்த படத்தில் ஒரு காட்சியில் பிராமண பெண்ணான நயன்தாராவை இறைச்சி சாப்பிட வைக்க கடவுள் ராமர் கூட இறைச்சி சாப்பிட்டார் என்ற வசனம் இடம் பெற்றிருந்தது. மேலும் நயன்தாரா ஒரு அர்ச்சகரின் மகள். ஆனால் அவர் நமாஸ் செய்கிறார் என்றும், இந்து மதத்தின் புனிதங்கள் தவறாக சித்தரிக்கப்பட்டுள்ளது. அதன் காரணமாக இந்த படத்தின் இயக்குனர், நயன்தாரா உள்ளிட்டோர் மீது வழக்கு பதிவு செய்யப்பட்டது. மேலும் ஓடிடியில் இருந்தும் இந்தபடம் நீக்கப்பட்டது. இந்நிலையில் நயன்தாரா வருத்தம் தெரிவித்துள்ளார்.

இதுதொடர்பாக ஜெய் ஸ்ரீராம் என்ற வாசகத்துடன் நயன்தாரா வெளியிட்ட அறிக்கை...

எனது நடிப்பில் வெளியான ‛அன்னபூரணி" படம் கடந்த சில நாட்களாக பேசு பொருளமாகி உள்ளது. கனத்த இதயத்துடன் இந்த அறிக்கையை வெளியிடுகிறேன். அன்னபூரணி படத்தை வெறும் வணிக நோக்கத்தோடு அல்லாமல் ஒரு நல்ல கருத்தை மக்களிடம் கொண்டு சேர்க்கும் முயற்சியாக பார்த்தோம். இந்த படத்தின் வாயிலாக நேர்மறையான கருத்தை விதைக்க விரும்பிய நாங்கள் எங்களை அறியாமலேயே சிலரது மனங்களை புண்படுத்தி இருப்பதாக உணர்ந்தோம்.

தணிக்கை குழுவால் சான்றளிக்கப்பட்டு தியேட்டர்களில் வெளியான ஒரு படம் ஓடிடியில் இருந்து நீக்கப்பட்டது நாங்கள் சற்றும் எதிர்பாராத ஒன்று. மற்றவர் உணர்வை புண்படுத்த வேண்டும் என்ற எண்ணம் எனக்கும், எனது குழுவுக்கும் துளியும் இல்லை.

கடவுளின் மீது மிகுந்த நம்பிக்கை கொண்டு அனைத்து வழிபாட்டு தலங்களுக்கும் செல்லும் நான் ஒருபோதும் இதை உள்நோக்கத்துடன் செய்திருக்க மாட்டேன். அதையும் மீறி உங்களின் உணர்வுகளை எந்த வகையிலாவது புண்படுத்தி இருந்தால் அதற்கு நான் வருத்தம் தெரிவித்துக் கொள்கிறேன்.

அன்னபூரணி படத்தின் உண்மையான நோக்கம் ஊக்கமும் உத்வேகமும் அளிப்பது தானே தவிர யார் மனதையும் புண்படுத்துவது அல்ல. எனது 20 ஆண்டுகால திரை பயணத்தின் நோக்கம் ஒன்றே ஒன்று தான். அது நேர்மறையான எண்ணங்களை பரப்புவதும், மற்றவர்களிடமிருந்து நல்லவற்றை கற்றுக் கொள்வதும் மட்டுமே என்பதை மீண்டும் ஒருமுறை இங்கு சுட்டிக்காட்ட விரும்புகிறேன்.

இவ்வாறு தெரிவித்துள்ளார்.

You May Like

அன்னபூரணிக்கு எதிர்ப்பு : ‛யாரையும் புண்படுத்தும் நோக்கமல்ல... - வருத்தம் தெரிவித்தார் நயன்தாரா

தொடர்புடைய & மேலும் செய்திகள்

எனக்கு மகிழ்ச்சியாக இருக்க முழு உரிமை உண்டு ; நெட்டிசன்களுடன் குஷ்பு மோதல்

ஆவேசம் பட பாணியில் சூர்யா படத்திலும் சுவாரஸ்யம் ; இசையமைப்பாளர் அப்டேட்

அமெரிக்காவில் தமிழ் அமைப்பு மாநாடு : திரைப்பட விழா, ஜிவி பிரகாஷ் இசை நிகழ்ச்சி நடக்கிறது

பாக்யராஜின் இறுதி நிமிடங்கள்: கண்ணீர் குளமான காட்சி | Bhagyaraj | KBhagyaraj

மறைந்த பாக்யராஜ் உடலுக்கு அரசியல் தலைவர்கள் மட்டும் திரை பிரபலங்கள் இறுதி அஞ்சலி

மறைந்த பாக்யராஜ் உடலுக்கு கமல்ஹாசன்,நயன்தாரா, கீர்த்தி சுரேஷ் இறுதி அஞ்சலி

வீடியோவில் இரங்கல் தெரிவித்த இளையராஜா | Ilayaraja| Music director| Bhakyaraj| film Director

திரைக்கதையின் மன்னன் ஒரு சகாப்தத்தின் நினைவுகள் - என்றும் பாக்கியராஜ் | Bhagyaraj | RIP |

நானும் ரவுடிதான் காட்சிகளை பயன்படுத்தியும் தனுஷை தவிர்த்து மற்றவர்களுக்கு நன்றி சொன்ன நயன்தாரா

தனுஷ் - நயன்தாரா விவகாரம், எக்ஸ் தளத்தில் ரசிகர்களின் அசிங்கமான சண்டை

சிறிய படைப்பாளிகள்னா ஏளனமா? நயன்தாரா - விக்னேஷ் சிவனுக்கு இயக்குனர் கேள்வி

தனுஷ் என்னை பழிவாங்குகிறார் : நயன்தாரா சரமாரி குற்றச்சாட்டு

இது நயன்தாராவின் சுட்டெரிக்கும் ‛நெற்றிக்கண் - ஆக., 13ல் ஓடிடியில் வெளியீடு

மகிழ்ச்சியில் மிளிரும் மிருணாள் தாக்கூர்

ஹாட் குயின்... பிரக்யா ஜெய்ஸ்வால்

வாசகர்கள் கருத்துகள்