கேப்டன் மில்லர் படத்தில் மூன்று தோற்றத்தில் தனுஷ்

அருண் மாதேஸ்வரன் இயக்கத்தில் தனுஷ் நடிப்பில் உருவாகி வரும் படம் "கேப்டன் மில்லர்". சிவராஜ் குமார், பிரியங்கா மோகன், சந்தீப் கிஷன், ஜான் கொக்கைன், அதிதி பாலன், நிவேதிதா சதீஷ் உள்ளிட்ட பலர் முக்கிய கதாபாத்திரத்தில் நடித்துள்ளனர். சத்யஜோதி பிலிம்ஸ் தயாரித்துள்ள இப்படத்திற்கு ஜி.வி.பிரகாஷ் குமார் இசையமைத்துள்ளார். வருகின்ற டிசம்பர் 15ம் தேதி அன்று தமிழ், தெலுங்கு, ஹிந்தி, மலையாளம், கன்னடம் ஆகிய மொழிகளில் இப்படம் வெளியாகிறது.

இதன் பிஸ்னஸ் மற்றும் டப்பிங் பணிகள் தற்போது விறுவிறுப்பாக நடைபெற்று வருகிறது. இந்த நிலையில் நடிகர் தனுஷின் ஹேர் ஸ்டைலிஸ்ட் சமீபத்தில் அளித்த பேட்டி ஒன்றில், " தனுஷ் இத்தனை வருட சினிமா பயணத்தில் ஒன்றரை வருடம் ஒரு படத்திற்காக நீளமாக முடி வளர்த்தது இல்லை. இந்த படத்தின் தோற்றத்திற்காக நிறைய உழைப்பை தந்துள்ளார். மேலும், இந்த படத்தில் தனுஷ் மூன்று தோற்றங்களில் நடித்துள்ளார். இது ரசிகர்களுக்கு ட்ரீட" என தெரிவித்துள்ளார் .