சந்திரமுகி 2 இசை வெளியீடு எப்போது?

பி.வாசு இயக்கத்தில் கடந்த 2005ம் ஆண்டில் ரஜினிகாந்த் நடித்து வெளிவந்த ‛சந்திரமுகி" படத்தின் வெற்றியைத் தொடர்ந்து கிட்டத்தட்ட 18 வருடம் கழித்து தற்போது சந்திரமுகி இரண்டாம் பாகத்தை பி.வாசு இயக்கி உள்ளார். நடிகர் ராகவா லாரன்ஸ், கங்கனா ரணாவத், வடிவேலு, லட்சுமி மேனன், மகிமா நம்பியார், ஸ்ருஷ்டி டாங்கே, ராதிகா சரத்குமார் உள்ளிட்ட பலர் முக்கிய கதாபாத்திரத்தில் நடித்துள்ளனர். எம்.எம்.கீரவாணி இசையமைக்கிறார். இந்த படம் வருகின்ற விநாயகர் சதுர்த்தி செப்டம்பர் 15ம் தேதி அன்று தமிழ், தெலுங்கு, ஹிந்தி, மலையாளம், கன்னடம் ஆகிய மொழிகளில் வெளியாகிறது.

சமீபத்தில் "சந்திரமுகி 2" படத்தில் முக்கிய வேடமான "வேட்டையன் ராஜா" தோற்றத்தில் ராகாவா லாரன்ஸின் பர்ஸ்ட் லுக் வெளியிட்டனர். தொடர்ந்து இரண்டு பாடல்கள் வெளியாகின. இந்த நிலையில் இந்த படத்தின் இசை வெளியீட்டு விழா பிரமாண்டமாக சென்னையில் உள்ள நேரு உள்விளையாட்டு அரங்கில் வருகின்ற ஆகஸ்ட் 25ம் தேதி நடத்த திட்டமிட்டுள்ளதாக தகவல் வெளியாகியுள்ளது.