
வாரணம் ஆயிரம் தெலுங்கு ரி-ரிலீஸ், ரம்யா மகிழ்ச்சி
தற்போது தெலுங்கு பதிப்பை அடுத்த வாரம் ஜுலை 21ம் தேதி ரி-ரிலீஸ் செய்ய உள்ளார்கள். அது குறித்து படத்தின் கதாநாயகிகளில் ஒருவரான ரம்யா மகிழ்ச்சி தெரிவித்துள்ளார். “இந்தப் படத்தில் பணிபுரிந்தது விருப்பமான ஒன்று. எனது அபிமானத் திரைப்படங்களில் இதுவும் ஒன்று. அப்படத்தில் நடித்த போது எனக்கு 22 அல்லது 23 வயதுதான் இருக்கும். அதற்கு முன்பு உணர்ச்சிகரமான நடிப்பை நான் வெளிப்படுத்தியதில்லை. பிரியா கதாபாத்திரம் அன்புக்கும், பொறுமைக்கும் உருவகமாக அமைந்தது. அக்கதாபாத்திரத்தில் என்னை நகர்த்தவும் தூய்மையான காதலை வெளிப்படுத்தவும் தூண்டியது. ஜுலை 21ல் "சூர்யா S/o கிருஷ்ணன்"...மேஜிக் மீண்டும் நிகழட்டும்,” என்று குறிப்பிட்டுள்ளார்.
படத்தில் அன்பான காதலியான சமீராவைப் பறி கொடுத்த பின் வாழ்க்கையில் தடுமாறிக் கொண்டு, போதைக்கு அடிமையாவார் சூர்யா. அவரை தன் காதல் மூலமும், அன்பு மூலமும் நல்வழிப்படுத்தி மீட்டுக் கொண்டு வரும் பிரியா கதாபாத்திரத்தில் நடித்திருப்பார் ரம்யா.



















வாசகர்கள் கருத்துகள்
முதல் நபராக கருத்து தெரிவியுங்கள்!