ஒரு பாடலுக்கு ஒரு கோடி சம்பளம் பெற்ற பாலிவுட் நடிகை

கடந்த 2021ம் ஆண்டில் தமிழில் சமுத்திரக்கனி இயக்கி நடித்து ஓடிடி தளத்தில் நேரடியாக வெளிவந்த திரைப்படம் வினோதய சித்தம். தற்போது இந்த படத்தின் தெலுங்கு ரீமேக்கை இயக்கி வருகிறார் சமுத்திரக்கனி. இப்படத்தை பீபுல் மீடியா பேக்டரி மற்றும் ஜீ ஸ்டுடியோஸ் நிறுவனங்கள் இணைந்து தயாரிக்கின்றனர். வருகின்ற ஜூலை 28 அன்று திரையரங்குகளில் படம் வெளியாகிறது.

பவன் கல்யாண், சாய் தரம் தேஜ் ஆகியோர் இந்த படத்தில் நடித்துள்ளனர். சமீபத்தில் இந்த படத்தில் இருந்து டீசர் வெளியாகி ரசிகர்களிடையே நல்ல வரவேற்பைப் பெற்றுள்ளது. மேலும் மை டியர் மார்கண்டேயா என்ற முதல் பாடலும் வெளியானது. இந்த ஒரு பாடலுக்கு பிரபல பாலிவுட் நடிகை ஊர்வசி ரவுட்டேலா நடனமாடியுள்ளார். இதற்காக இவர் பெற்ற சம்பள தொகை குறித்து தகவல் வெளியாகியுள்ளது. அதன்படி, இந்த பாடலுக்காக ரூ.1 கோடி சம்பளம் பெற்றுள்ளார் என்று கூறப்படுகிறது.