செப்டம்பரில் வெளியாகும் டிமான்டி காலனி 2

கடந்த 2015ம் ஆண்டில் அஜய் ஞானமுத்து இயக்கத்தில் அருள்நிதி நடித்து வெளிவந்த படம் டிமான்டி காலனி. ஹாரர் த்ரில்லர் ஜானரில் வெளிவந்த இந்த படம் வரவேற்பை பெற்றது. முதல் பாகத்தில் வெற்றியை தொடர்ந்து தற்போது டிமான்டி காலனி இரண்டாம் பாகத்தை அஜய் ஞானமுத்து இயக்கி வருகிறார். இதில் அருள்நிதி உடன் இணைந்து பிரியா பவானி சங்கர், மீனாட்சி, முத்துக்குமார், அருண் பாண்டியன் ஆகியோர் முக்கிய கதாபாத்திரத்தில் நடித்துள்ளனர். சாம்.சி.ஸ் இசையமைக்கிறார். சமீபத்தில் இந்த படத்தின் படப்பிடிப்பு முழுவதும் முடிவடைந்த நிலையில் இப்படத்தில் இருந்து மேக்கிங் வீடியோவை படக்குழுவினர் வெளியிட்டுள்ளனர். அதில் இப்படம் இந்த வருட செப்டம்பர் மாதத்தில் வெளியாகும் என்று குறிப்பிட்டுள்ளனர்.