
நடிப்பதிலிருந்து சமந்தா தற்காலிக ஓய்வு ?
தசை அழற்சி நோயால் கடுமையாக பாதிக்கப்பட்ட சமந்தா பல மாதங்கள் ஓய்வெடுத்து சிகிச்சையில் இருந்தார். தற்போது தெலுங்கில் விஜய் தேவரகொண்டா ஜோடியாக "குஷி" படத்திலும், ஹிந்தியில் "சிட்டாடல்" என்ற இணையத் தொடரிலும் நடித்து வருகிறார். அவற்றின் படப்பிடிப்பு முடிந்ததும் ஓரிரு ஆண்டுகளுக்குப் புதிய படங்களில் அவர் நடிக்கப் போவதில்லையாம்.
தனது தசை அழற்சி நோய்க்கு மேலும் சிகிச்சை எடுத்து முழுமையாக உடல்நலம் தேறிய பின்னர் தான் நடிக்க வரப்போகிறார் என டோலிவுட் வட்டாரத் தகவல்கள் தெரிவிக்கின்றன. அதனால், நடிப்பதற்காக சில தயாரிப்பாளர்களிடம் வாங்கிய முன்பணத் தொகையையும் திருப்பித் தர முடிவெடுத்துள்ளாராம்.
இந்தத் தகவல்கள் குறித்து சமந்தா மறுப்பு தெரிவித்தாலும் ஆச்சரியப்படுவதற்கில்லை. சமீப காலமாக செய்திகள் வெளியாவதும் பின்னர் மறுப்புகள் வருவதும் இயல்பாகிவிட்டது.




















வாசகர்கள் கருத்துகள்
முதல் நபராக கருத்து தெரிவியுங்கள்!