தங்கலான் படத்திற்காக பல பயிற்சிகளை பெற்ற மாளவிகா மோகனன்

பேட்ட, மாஸ்டர், மாறன் போன்ற படங்களில் நடித்த மாளவிகா மோகனன் தற்போது விக்ரம் நடித்து வரும் தங்கலான் படத்தில் நடித்து வருகிறார். பா.ரஞ்சித் இயக்குகிறார். இந்தப் படத்தில் நடிக்க தொடங்கியதிலிருந்து தனக்கு அவ்வப்போது விக்ரம் டிப்ஸ் கொடுத்து வருவதாக கூறி வரும் மாளவிகா மோகனன், தற்போது இப்படம் குறித்த இன்னொரு முக்கிய தகவலையும் வெளியிட்டுள்ளார்.

அவர் கூறுகையில், இதுவரை நான் நடித்ததில் இந்த படம் ஒரு முக்கியமான படம். இந்த படத்திற்காக மிக கடினமாக உழைத்துக் கொண்டு இருக்கிறேன். குறிப்பாக எனது கதாபாத்திரத்திற்கு தேவையான சிலம்பம், ஜிம்னாஸ்டிக், ஜேம்ப்ஸ், ரோலிங், கிக்ஸ் என பல கலைகள் பயிற்சி எடுத்தேன். பீரியட் கதையில் உருவாகும் இந்த படத்தில் எனக்கு ஆக்ஷன் காட்சியும் உள்ளது. அதனால் தங்கலான் படம் தமிழ் திரையுலகில் எனக்கு ஒரு திருப்புமுனை கொடுக்கும் படமாக இருக்கும் என்கிறார் மாளவிகா.