த்ரிஷாவுக்கு சர்ப்ரைஸ் கொடுத்த லியோ படக்குழு

பொன்னியின் செல்வன் படத்தின் இரண்டு பாகங்களிலும் நடித்து ரசிகர்களிடம் வரவேற்பு பெற்றுள்ள த்ரிஷா, அடுத்தபடியாக விஜய்யுடன் லியோ படத்தில் நடித்து வருகிறார். லோகேஷ் கனகராஜ் இயக்கி வரும் இந்த படம் அக்டோபர் 19ஆம் தேதி திரைக்கு வருகிறது. லியோ படத்தின் முதல் கட்ட படப்பிடிப்பு காஷ்மீரில் நடைபெற்ற போது அவருடன் இணைந்து நடித்து வந்த த்ரிஷா, தற்போது சென்னையில் நடைபெற்று வரும் லியோ படப்பிடிப்பிலும் கலந்து கொண்டு வருகிறார்.

இங்கு விஜய் சம்பந்தப்பட்ட ஆக்சன் காட்சிகள் மட்டுமின்றி திரிஷாவுடன் அவர் இணைந்து நடிக்கும் ரொமான்ஸ் காட்சிகளும் படமாக்கப்பட்டு வருகிறது. இதற்காக அவர் மீண்டும் லியோ படப்பிடிப்பு தளத்துக்கு சென்றபோது அவரது நாற்பதாவது பிறந்தநாளை கேக் வெட்டி கொண்டாடி உள்ளார்கள். சமீபத்தில் திரிஷா தனது பிறந்தநாளை கொண்டாடிய போது விஜய்யும் அவரும் இணைந்திருக்கும் புகைப்படத்தை வெளியிட்டு அவருக்கு வாழ்த்து தெரிவித்த லியோ படக்குழு, தற்போது திரிஷாவுடன் இணைந்து கேக் வெட்டி அவரது பிறந்த நாளை கொண்டாடி மகிழ்ந்துள்ளார்கள்.