தாய் ஷோபாவுடன் விஜய் : வைரலான புகைப்படம்

நடிகர் விஜய் தற்போது "லியோ" படத்தில் நடித்து வருகிறார். லோகேஷ் இயக்கும் இப்படத்தை செவன் ஸ்கிரீன் ஸ்டூடியோஸ் நிறுவனம் சார்பில் லலித் குமார் தயாரிக்க, அனிருத் இசையமைக்கிறார். இந்தபடத்தில் அர்ஜுன், சஞ்சய் தத், திரிஷா, பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், சாண்டி, மேத்யூ தாமஸ் ஆகியோர் முக்கிய கதாபாத்திரத்தில் நடிக்கின்றனர்.

இப்படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில், நடிகர் விஜய் தனது தாயார் ஷோபா சந்திரசேகரை நேரில் சந்தித்துள்ளார். இது தொடர்பான புகைப்படம் சமூக வலைதளத்தில் வைரலாகி வருகிறது. நேற்று தனது பெற்றோரின் 50ம் ஆண்டு திருமண தினத்தை முன்னிட்டு விஜய் சந்தித்துள்ளதாக கூறப்படுகிறது.

ஆனால் இந்த புகைப்படத்தில் விஜய்யின் தந்தை எஸ்.ஏ.சந்திரசேகர் இல்லை. விஜய் தனது தந்தையுடன் அரசியல் தொடர்பான விஷயத்தில் அதிருப்தியில் உள்ளார். அதேசமயம் அவரின் தாய் மீது அதிக அன்பு கொண்டு இருப்பதால் அவரை மட்டும் சந்தித்ததாக கூறப்படுகிறது.