![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
மாடல் அழகிகளுடன் கதர் ஆடை விளம்பரத்தில் கமல் : வைரலாகும் புகைப்படம்!
நவ 12, 2022
Advertisement
நடிகரும், மக்கள் நீதி மையம் கட்சியின் தலைவருமான கமல்ஹாசன் தற்போது ஷங்கர் இயக்கும் இந்தியன் 2 படத்தில் நடித்து வருகிறார். கடந்த 2020ம் ஆண்டு பிக்பாஸ் சீசன் 4 நிகழ்ச்சியில் கதர் ஆடைகளை விற்பனை செய்யும், ஹவுஸ் ஆப் கதர் என்ற கதர் ஆடை நிறுவனத்தை தொடங்கி இருப்பதாக அறிவித்த கமலஹாசன், நெசவுத் தொழிலாளர்களின் வறுமையை போக்கும் விதமாக கதர் ஆடைகளுக்கான இந்த பிராண்டை தான் ஆரம்பித்ததாகவும் தெரிவித்தார். அந்த வகையில் வியாபாரமாக மட்டுமின்றி உலக அளவில் கைத்தறி ஆடைகளை ஊக்கப்படுத்த வேண்டும் என்பதற்காகவே அந்நிறுவனத்தை தொடங்குவதாகவும் அறிவித்திருந்தார் கமல்.
சர்வதேச டிசைனர்களை உள்ளடக்கிய இந்த நிறுவனம் குறித்த ஒரு விளம்பரத்தில் மாடல் அழகியுடன் இணைந்து நடித்துள்ளார் கமல்ஹாசன். அதில், தாடி மீசை கெட்டப்பில் கூலிங் கிளாஸ் அணிந்து காணப்படுகிறார். இது குறித்த புகைப்படங்கள் தற்போது சோசியல் மீடியாவில் வைரலாகி வருகிறது. இந்த படங்களை பார்க்கும்போது கதர் ஆடைகளை வயதானவர்தான் அணிய வேண்டும் என்று அனைவரும் கருதி வரும் நிலையை மாற்றி, இளைஞர்களும் இதை அணிந்து கொள்ளலாம் என்று ஆர்வத்தை தூண்டு வகையில் இந்த புகைப்படங்கள் அமைந்துள்ளன.
வாசகர்கள் கருத்துகள்
முதல் நபராக கருத்து தெரிவியுங்கள்!