ஹீரோவானார் பிக்பாஸ் புகழ் நிரூப்

பிக்பாஸ் நிகழ்ச்சிகளில் கலந்து கொண்டவர்கள் சினிமாவில் ஹீரோ, ஹீரோயின் ஆகும் காலம், அந்த வரிசையில் அடுத்து வருகிறார் நிரூப். பிக்பாஸ் 5வது சீசனில் கலந்து கொண்ட இவர் தற்போது ரெயின்போ என்ற படத்தின் மூலம் ஹீரோவாகி இருக்கிறார்.

வசந்த் ராமசாமியின் ஸ்ரீ அன்னமார் புரொடக்சன்ஸ் சார்பில் வசந்த் ராமசாமி மற்றும் இயக்குனர் எஸ்.பி.ஹோசிமினின் ஹோசிமின் புரொடக்சன்ஸ் இணைந்து தயாரிக்கும் படம் ரெயின்போ. ஹோசிமினிடம் உதவி இயக்குனராக பணியாற்றிய விவேக் கைபா பட்டாபிராம் இயக்குகிறார்.

இப்படத்தில் பிக்பாஸ் புகழ் நிரூப் ஹீரோவாக நடிக்கிறார். அவருடன் சிம்ரான் ராஜ் உள்ளிட்ட 7 ஹீரோயின்கள் நடிக்கிறார்கள். மற்ற ஹீரோயின்கள் முடிவாகவில்லை. இவர்களுடன் மைம் கோபி , மனோபாலா, சார்லஸ் வினோத் மற்றும் பலர் நடிக்கிறார்கள். வினோத் குமார் ஒளிப்பதிவு செய்கிறார். சுபாஷ் ஆனந்த் இசை அமைக்கிறார். இது பேண்டசி படமாக உருவாகிறது. இதன் படப்பிடிப்புகள் பூஜையுடன் நேற்று தொடங்கியது.