ஆர்ஆர்ஆர் படத்திற்கு ஹாலிவுட் பட எழுத்தாளர் பாராட்டு

ராஜமவுலி இயக்கத்தில் ஜூனியர் என்டிஆர், ராம்சரண் நடிப்பில் தமிழ், தெலுங்கு, மலையாளம், கன்னடம், இந்தி என ஐந்து மொழிகளில் வெளியான படம் ஆர்ஆர்ஆர். இதற்கு முன்பு ராஜமௌலி இயக்கிய பாகுபலி படத்தைப் போன்று இந்தப் படமும் ஆயிரம் கோடிக்கு மேல் வசூல் சாதனை செய்திருக்கிறது. இந்த நிலையில் ஆர்ஆர்ஆர் படத்தை பார்த்த ஹாலிவுட் திரைப்பட எழுத்தாளர் ராபர்ட் கார்கில் என்பவர் இந்த படத்தை பாராட்டி டுவிட்டரில் ஒரு பதிவு போட்டு உள்ளார். அதில், இதுவரை நான் பார்த்த படங்களில் நேர்மையான வெறித்தனமான வித்தியாசமான பிளாக்பஸ்டர் திரைப்படம் இது. ஆர் ஆர் ஆர் படத்தை எனது நண்பர்களின் அழைப்பின் பேரில் பார்க்க சென்றேன். ஆனால் இப்போது நானும் இந்த படத்திற்கு மிகப்பெரிய ரசிகன் ஆகிவிட்டேன் என்று தெரிவித்திருக்கிறார். இந்த ராபர்ட் கார்கில், ஹாலிவுட்டில் வெளியான சினிஸ்டர், டாக்டர் ஸ்ட்ரேஞ்ச் என பல படங்களுக்கு திரைக்கதை எழுதியவர். சில நாவல்களும் எழுதி உள்ளார்.