ஏ.ஆர்.ரஹ்மான் இயக்கிய குறும்படம்

இசை அமைப்பாளர் ஏ.ஆர்.ரஹ்மான் தற்போது தயாரிப்பாளர், இயக்குனர், பாடலாசிரியர் என பன்முகத் தன்மையை வெளிப்படுத்த தொடங்கி இருக்கிறார். கடந்த ஆண்டு ஏ.ஆர்.ரஹ்மான் 99 சாங்ஸ் என்ற படத்தை தயாரித்தார். விரைவில் படம் இயக்கப்போவதாக அறிவித்திருந்தார்.

இந்த நிலையில் முழுநீள திரைப்படம் இயக்குவதற்கு முன்னோட்டடாக லீ மாஸ்க் என்ற 36 நிமிட குறும்படத்தை இயக்கி உள்ளார். இதில் ஹாலிவுட் நடிகர்கள் ஜெனிபர் கான்னெல்ஸி, மற்றும் நோரா அர்னெடர் நடித்துள்ளனர். இந்த படம் கேன்ஸ் திரைப்பட விழாவில் திரையிடப்பட இருக்கிறது.

ஏ.ஆர்.ரஹ்மான் கூறியிருப்பதாவது: இது எனது நீண்ட நாள் கனவு, எனது மனைவி சாய்ரா சொன்ன ஒன் லைனில் இருந்து இந்த படத்திற்கான உருவாக்கம் தொடங்கியது. உலகம் முழுவதும் உள்ள கலைஞர்களின் பங்களிப்பு இதில் உள்ளது. இசையும், வாசனையும் கலந்த ஒரு புதிய அனுபவத்தை தரும் படமாக இது உருவாகி இருக்கிறது. என்றார்.