மைதானத்தில் விளையாட தயாராகும் விக்ரம்

கார்த்திக் சுப்பராஜ் இயக்கத்தில் தனது மகன் துருவ் உடன் இணைந்து மகான் என்கிற படத்தில் நடித்தார் விக்ரம். அந்த படம் நேரடியாக ஓடிடியில் வெளியானது. இதைத்தொடர்ந்து கவுதம் மேனன் இயக்கத்தில் ஏற்கனவே நடித்து வந்த துருவநட்சத்திரம் படத்தில் படப்பிடிப்பிலும் கவனம் செலுத்தி அதையும் முடித்து கொடுத்துள்ளார் விக்ரம். இன்னொரு பக்கம் அஜய் ஞானமுத்து டைரக்ஷனில் நடித்து வந்த கோப்ரா படமும் போஸ்ட் புரடக்சனில் இருக்கிறது

இந்த நிலையில் அடுத்ததாக பா.ரஞ்சித் இயக்கத்தில் விக்ரம் நடிக்க இருப்பதாக சில நாட்களுக்கு முன் அதிகாரபூர்வமான அறிவிப்பு வெளியானது. தற்போது இந்த படத்திற்கு மைதானம் என டைட்டில் வைக்கப்பட்டுள்ளதாக ஒரு தகவல் வெளியாகி உள்ளது. ஒரு மைதானத்தை மையப்படுத்தி இதன் கதை உருவாக்கப்பட்டுள்ளதாலேயே மைதானம் என டைட்டில் வைக்கப்பட்டுள்ளதாகவும் சொல்லப்படுகிறது. மேலும் இந்த படத்தில் தான் நடிக்கும் கதாபாத்திரத்திற்காக விக்ரம் சில பயிற்சிகளையும் எடுத்துக்கொள்ள தயாராகி வருகிறார் என்றும், மே மாதத்தில் இதன் படப்பிடிப்பு துவங்கும் என்றும் சொல்லப்படுகிறது.