விவசாயம் செய்யும் வெற்றி மாறன்

திரைப்பட நடிகர், நடிகைகள் விவசாயம் செய்வதில் அதிக அக்கறை காட்டி வருகிறார்கள். நடிகர்கள் பிரகாஷ்ராஜ், பார்த்திபன், கார்த்தி, மாதவன், பசுபதி உள்ளிட்ட பலர் பண்ணை அமைத்து விவசாயம் செய்து வருகிறார்கள். இந்த வரிசையில் இப்போது வெற்றி மாறனும் இணைந்திருக்கிறார்.

வேடந்தாங்கல் அருகேயுள்ள கட்டியாம்பந்தல் என்ற கிராமத்தில் 9 ஏக்கர் நிலத்தை வாங்கி பசுமை பண்ணை அமைத்திருக்கிறார். படப்பிடிப்பு இல்லாத நேரங்களில் அவர் கட்டியாம்பந்தல் சென்று விவசாய பணிகளை நேரடியாக கவனித்து வருகிறார். இயற்கை விவசாயத்தில் கூடுதல் கவனம் செலுத்தவும், இன்னும் அதிமான நிலத்தில் விவசாயம் செய்யவும் திட்டமிட்டிருக்கிறார்.