தங்கையின் முதல் படம் ரிலீஸ் ; சாய்பல்லவி வாழ்த்து

தான் கதாநாயகியாக நடித்த பிரேமம் என்கிற முதல் படத்திலேயே ரசிகர்களின் மனம் கவர்ந்த நடிகையாக மாறியவர் சாய்பல்லவி. தற்போது தென்னிந்திய மொழிகளில் முன்னணி நடிகையாக நடித்து வருகிறார். இந்தநிலையில் இவரது தங்கை பூஜா கண்ணனும் தற்போது சித்திரை செவ்வானம் என்கிற படத்தில் கதாநாயகியாக அறிமுகமாகி உள்ளார். ஸ்டண்ட் மாஸ்டர் சில்வா இயக்கியுள்ள இந்தப்படத்தில் சமுத்திரகனி முக்கிய வேடத்தில் நடித்துள்ளார்.

இந்தப்படம் இன்று வெளியாகியுள்ள நிலையில், தங்களது குழந்தை பருவ புகைப்படத்தை பகிர்ந்து தனது தங்கைக்கு வாழ்த்து கூறியுள்ளார் சாய்பல்லவி. அந்த வாழ்த்தில், “இது (இந்தப்படம்) உனக்கானது பூஜா. ஒரு கதாபாத்திரத்தில் நீ நடிக்கும்போது ரசிகர்கள் காட்டும் அன்பு என்பது மகிழ்ச்சி தரும் போதை. நீ இந்த பயணத்தை அனுபவிக்க வேண்டும் என்றும், உன்னை சுற்றி எப்போதும் நேர்மறை விஷயங்களே இருக்கும்படி உருவாக்கி கொண்டு, ஒவ்வொரு அனுபவத்தின் மூலம் சிறந்த மனிதராக ஆக வேண்டும் என்றும் நான் வேண்டிக் கொள்கிறேன். உயரமாக பற.. உன்னை பாதுகாக்க எப்போதும் நான் உடன் இருக்கிறேன்” என கூறியுள்ளார் சாய்பல்லவி.