
தீபாவளி பார்ட்டிக்கு விஸ்கி குடியுங்க : விளம்பரப்படுத்திய காஜலுக்குக் குவியும் கண்டனம்
அதிக அளவிற்கு பாலோயர்களை வைத்திருக்கும் நடிகர்கள், நடிகைகள், பிரபலங்களிடம் தங்களது வியாபாரத்தைப் பற்றி பிரபலப்படுத்திப் பதிவிட பல நிறுவனங்கள் பல லட்சங்களைத் தருகிறார்கள். பாலோயர்களுக்கு ஏற்றபடி அதற்கான பணத்தைத் தருகிறார்கள்.
சமீபத்தில் நடிகை ரெஜினா கசான்ட்ரா, "விஸ்கி" விளம்பரம் ஒன்றை தனது இன்ஸ்டாகிராமில் பதிவிட்டிருந்தார். இப்போது நடிகை காஜல் அகர்வால் அதே போன்று "விஸ்கி" விளம்பரப் பதிவு ஒன்றை தனது இன்ஸ்டாகிராமில் பதிவிட்டுள்ளார்.
இரண்டு நாட்களுக்கு முன்பு அவருடைய கணவருடன் புகைப்படம் ஒன்றைப் பகிர்ந்து தனது முதலாமாண்டு திருமண நாளைக் கொண்டாடினார். அன்றைய தினத்தில்தான் இந்த "விஸ்கி" விளம்பரத்திற்கான புகைப்படமும் எடுக்கப்பட்டுள்ளது. விளம்பரத்திலும் கணவன், மனைவி இருவரும் இடம் பெற்றுள்ளார்கள்.
தீபாவளி பார்ட்டிக்கு விஸ்கி பொருத்தமானது என காஜல் குறிப்பிட்டுள்ளார். இந்த விளம்பரத்திற்கு சமூக வலைத்தளங்களில் கடும் கண்டனம் எழுந்து வருகிறது. சமூக வலைத்தளங்களில் விளம்பரம் மீது அரசு கட்டுப்பாடு விதிக்க வேண்டும் என சமூக ஆர்வலர்கள் கோரிக்கை வைக்கிறார்கள்.




















வாசகர்கள் கருத்துகள்
முதல் நபராக கருத்து தெரிவியுங்கள்!