டைரக்டர் ஆகிறாரா விஜய் சேதுபதி மகன்?

விஜய் சேதுபதி மகன் சூர்யா சேதுபதி ஹீரோவாக அறிமுகமான ‛பீனிக்ஸ்" பெரிதாக வெற்றி பெறவில்லை. சில செயல்பாடுகளால் அவரை நெட்டிசன்கள் வறுத்தெடுத்தனர். இப்போது அதிலிருந்து அவர் மீண்டுவிட்டார். அடுத்தபடம் குறித்து இன்னமும் முடிவெடுக்காமல் இருக்கிறாராம். இதற்கிடையே, எனக்கு நடிப்பில் மட்டுமல்ல, படம் டைரக்ஷன் பண்ணுவதிலும் ஆர்வம் இருக்கிறது. முறைப்படி டைரக்ஷன் கோர்ஸ் படித்து இருக்கிறேன். சில குறும்படங்களை இயக்கி இருக்கிறேன் என்று சூர்யா சேதுபதி கூறி வருவதால் அவர் அடுத்து படம் இயக்கலாம் என்று கூறப்படுகிறது.

விஜய் சேதுபதியே தயாரிப்பாளர் ஆகவும் இருப்பதால், ஆரஞ்சுமிட்டாய், மேற்கு தொடர்ச்சி மலை போன்ற படங்களை தயாரித்து இருப்பதால் மகன் இயக்கும் படத்தை தயாரிக்கலாம் என்று எதிர்பார்க்கப்படுகிறது. இதேப்போல் நடிப்பில் கவனம் செலுத்தி வந்த கருணாஸ் மகன் கென்னும் இப்போது இயக்குனர் ஆகிவிட்டார். ஒரு படத்தை இயக்குகிற வேலைகளில் பிஸியாக இருக்கிறார். விஜய் மகன் ஜேசனும் படம் இயக்கி வருகிறார்.