வெளிநாடுகளில் ‛வாரிசு முன்பதிவு தொடங்கியது

வம்சி இயக்கத்தில் விஜய் நடித்துள்ள வாரிசு படம் பொங்கலுக்கு வெளியாகும் நிலையில், தற்போது பிரமோசன் பணிகள் தீவிரப்படுத்தப்பட்டுள்ளது. ரஜினியின் கபாலி, கமலின் விக்ரம் படங்களின் பிரமோசன்கள் ரயில்களில் செய்யப்பட்டது போன்று வாரிசு படத்தின் பிரமோசன்கள் மெட்ரோ ரயில்களில் செய்யப்பட்டு வருகிறது. இப்படத்தின் இசை விழா வருகிற 24ஆம் தேதி சென்னையில் நடைபெற உள்ளதாக தகவல் வெளியாகி உள்ளது.

இந்நிலையில் வாரிசு படத்தை வெளிநாடுகளில் வெளியிடும் உரிமையை பெற்றுள்ள அகிம்சா எண்டர்டெய்ன்மென்ட் நிறுவனம் தற்போது ஒரு தகவல் வெளியிட்டுள்ளது. அதில், வெளிநாடுகளில் பல பகுதிகளில் வாரிசு முன்பதிவு தொடங்கி விட்டது. பிரிட்டனில் 100 பகுதிகளில் முன்பதிவு தொடங்கப்பட்டுள்ள நிலையில் விறுவிறுப்பாக டிக்கெட்டுகள் பதிவாகி வருகிறது. ரசிகர்களின் இந்த ஆர்வத்தை பார்க்கும்போது வெளிநாடுகளில் வாரிசு படம் விஜய்யின் முந்தைய படங்களின் வசூலை முறியடிக்கும் என தெரிகிறது என்று அந்நிறுவனம் ஒரு தகவல் வெளியிட்டுள்ளது.