தலைவி பட வழக்கு : தீர்ப்பு ஒத்திவைப்பு

தமிழக முன்னாள் முதல்வர் ஜெயலலிதாவின் வாழ்க்கை வரலாற்று படம் தலைவி என்ற பெயரில் தயாராகி வருகிறது. இதனை ஐதராபாத்தை சேர்ந்த விஷ்ணுவர்த்தன் இந்தூரி 5 மொழிகளில் தயாரித்து வருகிறார். ஜெயலலிதா கேரக்டரில் பாலிவுட் நடிகை கங்கனா ரணவத் நடிக்கிறார். ஏ.எல்.விஜய் இயக்குகிறார்.

இந்த படத்தின் பணிகள் முடிந்து தற்போது டப்பிங், பின்னணி இசை கோர்ப்பு பணிகள் நடந்து வருகிறது. விரைவில் தணிக்கை குழுவிற்கு செல்ல இருக்கிறது. இந்த படம் மற்றும் கவுதம் வாசுதேவ மேனன் இயக்கும் தி குயின் வெப் சீரிஸ் ஆகியவற்றுக்கு எதிராக ஜெயலலிதாவின் அண்ணன் மகள் தீபா தொடர்ந்து சட்டப்போராட்டம் நடத்தி வருகிறார். தலைவி படத்திலும், தி குயின் வெப் சீரிசிலும் ஜெயலலிதாவின் தனிப்பட்ட வாழ்க்கை குறித்து தவறாக சித்தரிக்கப்படுவதாக அவர் தனது வழக்கு மனுவில் குறிப்பிட்டுள்ளார்.

இந்த வழக்கு நேற்று மேல்முறையீட்டு மனு நீதிபதிகள் அமர்வுக்கு முன் விசாரணைக்கு வந்தது. இருதரப்பு வாதங்களையும் கேட்ட நீதிபதிகள் வழக்கின் தீர்ப்பை தேதி குறிப்பிடாமல் ஒத்தி வைத்தனர்.