தக் லைப் படத்தின் மூலம் இணையும் சிம்பு, துல்கர் சல்மான், ஜெயம் ரவி

மணிரத்னம் இயக்கத்தில் நடிகர் கமல்ஹாசன் "தக் லைப்" என்கிற படத்தில் நடித்து வருகிறார். ரெட் ஜெயன்ட் நிறுவனம் தயாரிக்கும் இப்படத்திற்கு ஏ.ஆர்.ரஹ்மான் இசையமைக்கிறார். இதன் படப்பிடிப்பு சென்னை மற்றும் செர்பியாவில் நடைபெற்றது. தற்போது தேர்தல் களத்தில் கமல் பிஸியாக இருப்பதால் தக் லைப் படப்பிடிப்பு தற்காலிகமாக நிறுத்தி வைக்கப்பட்டுள்ளது.

கால்ஷீட் பிரச்னை காரணமாக இந்த படத்திலிருந்து துல்கர் சல்மான் மற்றும் ஜெயம் ரவி வெளியேறியதாக தகவல்கள் வெளியானது. இதனால் இந்த படத்தில் நடிகர் சிலம்பரசன் முக்கிய கதாபாத்திரத்தில் நடிக்க இணைந்துள்ளதாக கூறப்பட்டது. ஆனால் படக்குழுவினர் பேசி தற்போது மீண்டும் தக் லைப் படத்தில் நடிக்க துல்கர் சல்மான் மற்றும் ஜெயம் ரவி நடிக்க சம்மதம் தெரிவித்துள்ளதாக கூறப்படுகிறது. அதோடு படப்பிடிப்பையும் இவர்களின் கால்ஷீட்டிற்கு ஏற்றபடி நடத்த படக்குழுவினர் சம்மதம் சொல்லி உள்ளனர். மேலும் சிம்பு இப்படத்தில் இரட்டை வேடங்களில் நடிக்கிறார் என்கிறார்கள்.