அரபி குத்து பாடலுக்கு ஷிவானி குத்தாட்டம்

நெல்சன் இயக்கத்தில் விஜய் நடித்துள்ள பீஸ்ட் படத்தில், அனிருத் இசையில் வெளியாகியிருக்கும் அரபி குத்து பாடலை இதுவரை 126 மில்லியனுக்கும் அதிகமானோர் க ண்டு ரசித்து உள்ளார்கள். அதோடு இந்தியா மட்டுமின்றி வெளிநாடுகளிலும் இந்த பாடலுக்கு அமோகமான வரவேற்பு கிடைத்திருக்கிறது. இதையடுத்து ஏற்கனவே விஜய்யின் மாஸ்டர் படத்தில் அனிருத் இசையில் இடம்பெற்ற வாத்தி கம்மிங் உள்ளிட்ட பாடல்களுக்கு பல சினிமா பிரபலங்கள் நடனமாடி வீடியோக்கள் வெளியிட்டு வந்ததை அடுத்து இப்போது அரபி குத்து பாடலுக்கும் வீடியோக்கள் வெளியிட்டு வருகிறார்கள். இந்நிலையில் தற்போது பிக்பாஸ் ஷிவானி நாராயணனும் அரபி குத்து பாடலுக்கு குத்தாட்டம் போட்ட வீடியோ ஒன்றை இன்ஸ்டாகிராமில் வெளியிட்டுள்ளார். இவர் தற்போது விக்ரம், நாய் சேகர் ரிட்டன்ஸ், பம்பர் படங்களைத் தொடர்ந்து பொன்ராம், ஆர்.ஜே.பாலாஜி இயக்கும் படம் என அரை டஜன் படங்களில் நடித்து வருகிறார்.