சமந்தாவின் சகுந்தலம் படப்பிடிப்பு : புதிய கட்டுப்பாடுகளுடன் தொடங்குகிறது

தி பேமிலிமேன் 2 வெப்சீரிஸ் வெளியாகி விட்டதை அடுத்து தான் ஏற்கனவே நடித்து வந்த சகுந்தலம் புராண படத்தில் கவனத்தை திருப்பியிருக்கிறார் சமந்தா. குணசேகர் இயக்கும் இந்த படத்தில் மலையாள நடிகர் தேவ்மோகன் நாயகனாக நடிக்கிறார்.

மேலும், சகுந்தலம் படத்தின் படப்பிடிப்பு மே 10ம் தேதி வரை சுமார் 50 நாட்கள் நடைபெற்றுள்ளது. கொரோனா தொற்று தீவிரமானபோது படப்பிடிப்பில் கலந்து கொள்ள சமந்தா தயங்கியதால் பல நாட்களில் சமந்தா இல்லாமலேயே காட்சிகள் படமாகி வந்தது. அதோடு இப்படத்தின் படப்பிடிப்பு காஷ்மீரில் 10 நாட்கள் நடைபெற்றுள்ளது.

இந்த நிலையில் தற்போது இப்படத்திற்காக ஐதராபாத்தில் பிரமாண்ட செட் உருவாக்கப்பட்டு வரும் நிலையில் கூடிய சீக்கிரமே மீண்டும் சகுந்தலம் படப்பிடிப்பில் கலந்து கொள்கிறாராம் சமந்தா. அதோடு, வழக்கமான படப்பிடிப்புகளை போல் அல்லாமல் காலை 6 மணிக்கு தொடங்கி பிற்பகல் 1 மணி வரை மட்டுமே படப்பிடிப்பை நடத்தவும் திட்டமிடப் பட்டுள்ளதாம்.