சமந்தா பாணியில் நடிப்புக்கு சிறிய பிரேக் கொடுத்த பிரபாஸ்

ராஜமவுலி இயக்கிய பாகுபலி படத்தில் நடித்து உலக அளவில் கவனிக்கப்பட்ட நடிகரானார் பிரபாஸ். அதன் பிறகு, சாஹோ, ஆதிபுருஸ், ராதே ஷ்யாம், சலார் போன்ற படங்கள் வெளியாகின. ஆனால் இவை எதுவும் பாகுபலி அளவுக்கு வரவேற்பை தரவில்லை. தற்போது கல்கி 2898 ஏடி என்ற படத்தில் நடித்து முடித்துவிட்டு ஸ்பிரிட் படத்தில் நடிப்பதற்கு தயாராகி வருகிறார். இந்த படத்தை முடித்ததும் சலார் படத்தின் இரண்டாம் பாகத்தில் நடிக்கிறார். இந்த நிலையில் சமீபத்தில் முழங்காலில் அறுவை சிகிச்சை செய்து கொண்ட பிரபாஸ் அதற்கான சிகிச்சை எடுத்து வருகிறார். அதோடு இன்னும் சில மாதங்களுக்கு நடிப்பிலிருந்து விலகி இருந்து, தனது பாடி லாங்குவேஜை மாற்றும் சில பயிற்சிகளையும் அவர் எடுக்க போகிறாராம். அதன் காரணமாகவே கல்கி படத்தை அடுத்து பிரபாஸ் நடிக்க இருக்கும் ஸ்பிரிட் படத்தின் படப்பிடிப்பு சில மாதங்களுக்கு தள்ளி வைக்கப்பட்டுள்ளது.