டான் படத்தை பாராட்டிய பா.ம.க நிறுவனர் ராமதாஸ்

சிவகார்த்திகேயன் நடிப்பில் கடந்த மே 13-ஆம் தேதி வெளியாகி சூப்பர் ஹிட்டான திரைப்படம் "டான்". அறிமுக இயக்குனர் சிபி சக்கரவர்த்தி இப்படத்தை இயக்கியுள்ளார் . இந்த படத்தில் பிரியங்கா அருள்மோகன், எஸ்.ஜே.சூர்யா, சமுத்திரகனி, சூரி ஆகியோர் நடித்திருந்தனர் . ரசிகர்களுக்கிடையே நல்ல வரவேற்பை பெற்றுவந்த இந்த படத்தை ரஜினிகாந்த் உள்ளிட்ட பல பிரபலங்கள் பாராட்டியுள்ளார் .

இந்நிலையில் இந்த படத்தை சமீபத்தில் பார்த்த பா.ம.க நிறுவனர் மருத்துவர் ராமதாஸ், சிவகார்த்திகேயனை பாராட்டியுள்ளார். இது குறித்து வெளியிட்டுள்ள பதிவில், நடிகர் சிவகார்த்திகேயன் நடித்த டான் திரைப்படம் பார்த்தேன். “பெற்றோரை அவர்கள் இருக்கும் போதே கொண்டாடுங்கள் என்ற பாடத்தை சொல்லும் அந்த திரைப்படம் அனைவராலும் பார்க்கப்பட வேண்டிய ஒன்றாகும் என்று குறிப்பிட்டுள்ளார். இதற்கு நடிகர் சிவகார்த்திகேயன் நன்றி தெரிவித்துள்ளார்.