இளையராஜாவிடம் கற்றுக் கொள்ள நிறைய இருக்கிறது : லட்சுமி ராமகிருஷ்ணன்

நடிகை லட்சுமி ராமகிருஷ்ணன், ஆரோகணம், நெருங்கி வா முத்தமிடாதே. அம்மணி, ஹவுஸ் ஓனர் படங்களை தொடர்ந்து தற்போது ஆர் யூ ஓகே பேபி என்ற படத்தை இயக்கியிருக்கிறார். இந்த படத்தில் சமுத்திரக்கனி, அபிராமி, மிஷ்கின், ரோபோ சங்கர் உள்பட பலர் முக்கிய வேடங்களில் நடித்திருக்கிறார்கள். இந்த படம் ஒரு குழந்தையை மையமாகக் கொண்ட கதையில் உருவாகி இருக்கிறது. இளையராஜா இசை அமைக்கிறார்.

லட்சுமி ராமகிருஷ்ணன் வெளியிட்ட பதிவில், ‛‛இப்படத்தின் பின்னணி இசைப் பணிகளை இளையராஜா முடித்துவிட்டார். மேஸ்ட்ரோ இளையராஜா அவர்களுடன் பணிபுரியும் வாய்ப்பு கிடைத்ததற்கு நன்றியுடனும் பணிவுடனும் இருக்கிறேன். அவருடைய ஆர்வம் ஆற்றல் அர்ப்பணிப்பு அற்புதமானது. இளையராஜா என்ற லெஜென்டிடமிருந்து கற்றுக் கொள்ள நிறைய இருக்கிறது. உங்களிடம் படத்தை காண்பிப்பதற்கு காத்திருக்கிறேன்"" என்று தெரிவித்திருக்கிறார்.