‛ஜப்பான் முதல் பார்வை வெளியீடு

இந்தாண்டில் தொடர்ச்சியாக மூன்று வெற்றி படங்களை கொடுத்துள்ளார் நடிகர் கார்த்தி. அடுத்து இவரின் 25வது படமாக ஜப்பான் உருவாகிறது. இதை ஜோக்கர் பட புகழ் ராஜு முருகன் இயக்குகிறார். அனு இமானுவல் நாயகியாக நடிக்க, முக்கிய வேடத்தில் தெலுங்கு நடிகர் சுனில் நடிக்கிறார். சமீபத்தில் இதன் பட பூஜை நடந்தது. விரைவில் படப்பிடிப்பு துவங்க உள்ளது.

இந்நிலையில் படத்தின் முதல் பார்வையை படக்குழு வெளியிட்டுள்ளனர். அதில் தக தக என மின்னும் தங்க நிற உடையில் இருக்கிறார் கார்த்தி. ஒரு கையில் உலக உருண்டை, மற்றொரு கையில் துப்பாக்கி, கழுத்து நிறைய தங்க நகைகள், அதில் உள்ள ஒரு டாலரில் இந்திய ரூபாயின் மதிப்பை குறிக்கும் குறியீடு போன்றவை இடம் பெற்றுள்ளது. அதே போஸ்டரில் ஒரு சேரில் போதையில் கார்த்தி அமர்ந்திருப்பது போன்று உள்ளது. வித்தியாசமாக உள்ள இந்த போஸ்டர் ரசிகர்களை வெகுவாய் கவர்ந்துள்ளது.

தமிழ், தெலுங்கு உள்ளிட்ட நான்கு மொழிகளில் இந்த படம் வெளியாக உள்ளது. இதனால் நான்கு மொழிகளிலும் படத்தின் முதல் பார்வையை வெளியிட்டுள்ளனர்.