சூர்யவம்சம் 2ம் பாகம் உருவாகிறது?

சூப்பர் குட் பிலிம்ஸ் தயாரிப்பு நிறுவனம் பல வருடங்களாக தமிழ், தெலுங்கு, மலையாளம் போன்ற மொழிகளில் படங்களை தயாரித்துள்ளனர். தற்போது 100வது படத்தை தயாரிக்க நெருங்கியுள்ளனர். சூப்பர் குட் பிலிம்ஸ் 100வது படத்தில் விஜய்யை நடிக்க வைக்க விரும்பினர். ஆனால் விஜய் அரசியலை நோக்கி பயணிப்பதால் இந்த காலகட்டத்தில் வாய்பில்லை என்பது உறுதியானது.

இந்த நிலையில் சூப்பர் குட் நிறுவனத்தின் 100வது படமாக அவர்கள் நிறுவனத்தில் விக்ரமன் இயக்கத்தில் வெளியான சூர்யவம்சம் படத்தின் இரண்டாம் பாகத்தை உருவாக்க திட்டமிட்டுள்ளனர். இதில் சரத்குமார் உடன் ஜீவா முதன்மைத் கதாபாத்திரத்தில் நடிக்கவுள்ளார். ஆனால், இந்த பாகத்தை விக்ரமன் இயக்கவில்லை. அவருக்கு பதிலாக பிரபு சாலமனின் இணை இயக்குநர் ஒருவர் இயக்கவுள்ளார் என தகவல்கள் தெரிவிக்கின்றனர். விரைவில் இது குறித்து அதிகாரப்பூர்வ அறிவிப்பு வெளியாகும் என்கிறார்கள்.