தேர்தலால் தள்ளிப்போன டாக்டர்

நெல்சன் இயக்கத்தில், அனிருத் இசையமைப்பில், சிவகார்த்திகேயன், பிரியங்கா அருள்மோகன் உள்ளிட்ட பலர் நடித்துள்ள படம் டாக்டர். மார்ச் 26ல் படம் வெளியாகும் என்று அறிவித்திருந்தார்கள். தேர்தல் காரணமாக பட ரிலீஸ் தேதி மாறலாம் என காலையிலேயே நமது இணையதளத்தில் செய்தி வெளியிட்டு இருந்தோம். இப்போது அது உண்மையாகி உள்ளது. டாக்டர் ரிலீஸ் தேதியை தள்ளி வைத்துள்ளனர்.

இதுதொடர்பாக தயாரிப்பு நிறுவனம் வெளியிட்ட அறிக்கையில், டாக்டர் படத்திற்கு ஆரம்பம் முதல் நீங்கள் அளித்த வரும் ஆதரவு அளப்பரியது. மார்ச் 26ல் படத்தை வெளியிடலாம் என அறிவித்து இருந்தோம். தேர்தல் காரணமாக இப்போது ரிலீஸ் தேதியை தள்ளி வைத்துள்ளோம். புதிய ரிலீஸ் குறித்து பேசி வருகிறோம். ஓரிரு நாளில் அறிவிப்பு வெளியாகும். தொடர்ந்து உங்களின் ஆதரவை எப்போதும் எங்களுக்கு தர வேண்டுகிறோம். உங்களின் காத்திருப்புக்கு எங்களின் டாக்டர் நிச்சயம் மதிப்பாக இருக்கும்.

இவ்வாறு தெரிவிக்கப்பட்டுள்ளது.