ஆக்ஷன் வேடத்தில் தன்ஷிகா நடிக்கும் ‛தி புரூப்

நடிகை சாய் தன்ஷிகா தமிழில் மாஞ்சா வேலு, பேராண்மை, கபாலி, இருட்டு போன்ற படங்களில் முக்கிய கதாபாத்திரங்களில் நடித்துள்ளார். இது அல்லாமல் சில மலையாளம், தெலுங்கு படங்களிலும் நடித்துள்ளார்.

இந்த நிலையில் தி ப்ரூப் என்ற புதிய படத்தில் முதன்மை கதாபாத்திரத்தில் நடித்துள்ளார். நடன இயக்குனர் ராதிகா இந்த படத்தை இயக்கி உள்ளார். ரித்விகா, அசோக் ஆகியோர் முக்கிய கதாபாத்திரங்களில் நடித்துள்ளனர். தமிழ், தெலுங்கு, ஹிந்தி மொழிகளில் உருவாகி வருகிறது. படத்தின் முதல் பார்வை வெளியாகி உள்ளது. அதில் சண்டைக் காட்சியில் ஒருவரது நெஞ்சில் தன்ஷிகா ஆவேசமாக கால் வைத்து நிற்பது போன்று அந்த போஸ்டர் காட்சி இடம் பெற்றுள்ளது. வருகின்ற ஏப்ரல் மாதத்தில் வெளியாகும் என குறிப்பிடப்பட்டுள்ளனர்.