கோட் : இது தானா உங்க அப்டேட்

தமிழில் கொலை, சிங்கப்பூர் சலூன் போன்ற படங்களில் நடித்தவர் மீனாட்சி சவுத்ரி. தற்போது வெங்கட் பிரபு இயக்கத்தில் விஜய் நடித்து வரும் கோட் படத்தில் நாயகியாக நடித்து வருகிறார். நேற்று அவர் தன்னுடைய பிறந்தநாளை கொண்டாடி இருக்கிறார். இதை அடுத்து மீனாட்சி சவுத்ரிக்கு இயக்குனர் வெங்கட் பிரபு பிறந்தநாள் வாழ்த்து தெரிவித்திருப்பதோடு, கோட் படத்தில் அவர் ஸ்ரீநிதி என்ற வேடத்தில் நடித்து வருவதாக ஒரு அப்டேட்டை வெளியிட்டுள்ளார்.

கோட் படத்தின் அப்டேட் கேட்டு ரசிகர்கள் தொடர்ந்து வெங்கட்பிரபுவை நச்சரித்து வருகின்றனர். சமீபத்தில் ஒரு ரசிகர் வெங்கட்பிரபுவை தகாத வார்த்தைகளால் திட்டி சமூகவலைதளத்தில் பதிவிட்டார். இந்தச்சூழலில் இதுதானா சார் உங்கு டக்கு... என்கிற பாணியில் இது தானா உங்க அப்டேட் என மீனாட்சியின் கேரக்டர் பெயரை வெளியிட்டதை குறிப்பிட்டு ரசிகர்கள் கலாய்த்து வருகின்றனர்.