சந்திரமுகி 2 படத்தின் முக்கிய அப்டேட்

இயக்குனர் பி. வாசு இயக்கத்தில் 2005ம் ஆண்டு ரஜினிகாந்த், பிரபு, ஜோதிகா, நயன்தாரா நடிப்பில் வெளியான திரைப்படம் சந்திரமுகி. இப்படம் 800 நாட்கள் திரையரங்குகளில் ஓடி வசூலில் சாதனை செய்தது. இப்போது சந்திரமுகி படத்தின் இரண்டாம் பாகத்தை இயக்கி வருகிறார் பி.வாசு.

சந்திரமுகி 2ம் பாகத்தில் நடிகர் ராகவா லாரன்ஸ் கதாநாயகனாக நடிக்கிறார். இவருடன் இணைந்து கங்கனா ரணாவத், லட்சுமி மேனன், மகிமா நம்பியார், ஸ்ருஷ்டி டாங்கே, ராதிகா சரத்குமார் ஆகியோர் முக்கிய கதாபாத்திரத்தில் நடிக்கின்றனர். லைகா புரொடக்சன்ஸ் தயாரிக்கும் இப்படத்திற்கு எம். எம். கீரவாணி இசையமைக்கிறார்.

தற்போது இப்படத்தின் அடுத்தக்கட்ட படப்பிடிப்பு மும்பையில் நடக்கிறது. பிரமாண்டமான செட் அமைத்து படத்தின் ப்ளாஷ் பேக் மற்றும் பாடல் காட்சிகளை படமாக்கி வருகின்றனர். வேட்டையனாக ராகவா லாரன்ஸ் மற்றும் சந்திரமுகியாக கங்கனா நடிக்கின்றனர். இந்த படப்பிடிப்பில் கங்கனா இணைந்துள்ளார். படப்பிடிப்பிற்கு கங்கனா அலங்காரம் செய்யும் புகைப்படம் ஒன்று இணையத்தில் வைரலாகி வருகிறது.