சிவகார்த்திகேயன் படத்தில் பிக்பாஸ் 5 பிரபலம்

"டாக்டர்" படத்தின் மாபெரும் வெற்றிக்கு பிறகு நடிகர் சிவகார்த்திகேயன் நடிப்பில் உருவாகி வரும் திரைப்படம் "டான்". இப்படத்தை அட்லியிடம் உதவி இயக்குனராக இருந்த சிபி சக்ரவர்த்தி இயக்கி வருகிறார். சிவகார்த்திகேயன் கல்லூரி மாணவராக நடிக்கும் இப்படத்தில் ஹீரோயினாக ப்ரியங்கா அருள் மோகன் நடித்து வருகிறார். எஸ்.ஜே.சூர்யா புரபசராக நடிக்கிறார். இந்த படத்தின் பெரும்பாலான படப்பிடிப்பு கோவையில் உள்ள ஒரு கல்லூரியில் படமாக்கப்பட்டுள்ளது.

இறுதிக்கட்டத்தை அடைந்துள்ள இப்படத்தின் ப்ர்ஸ்ட் லுக் போஸ்டர் வரும் ஆயுதப் பூஜையையொட்டி வெளியாக இருப்பதாக கூறப்படுகிறது. இந்நிலையில் இப்படத்தில் முக்கிய கேரக்டர் ஒன்றில் பிக்பாஸ் சீசன் 5-ல் போட்டியாளராக உள்ள ராஜூ ஜெயமோகன் நடித்துள்ளார். இவர் ஏற்கனவே, "நட்புன்னா என்னன்னு தெரியுமா" என்ற திரைப்படத்தில் கவினுடன் இணைந்து நடித்துள்ளார் என்பது குறிப்பிடத்தக்கது.