பீஸ்ட் படத்தில் இணைந்த இரண்டாவது நாயகி

நெல்சன் திலீப்குமார் இயக்கத்தில் விஜய் நடித்து வரும் பீஸ்ட் படத்தில் அவருக்கு ஜோடியாக பூஜா ஹெக்டே நடிக்க, செல்வராகவன், யோகிபாபு, டிடிவி.கணேஷ் ஆகியோரும் முக்கிய வேடங்களில் நடிக்கிறார்கள். அனிருத் இசையமைக்கும் இந்த படத்தின் நான்காம் கட்ட படப்பிடிப்பு தற்போது டெல்லியில் நடைபெற்று வருகிறது.

இந்நிலையில் இந்த படப்பிடிப்பில் பீஸ்ட் படத்தில் இரண்டாவது நாயகியாக நடிக்கும் அபர்ணா தாசும் கலந்து கொண்டு நடித்து வருகிறார். இவருக்கும் இப்படத்தில் விஜய்யுடன் ஒரு பாடல் காட்சி இருப்பதாக தெரிகிறது. இதையடுத்து பீஸ்ட் படக்குழு ரஷ்யா செல்கிறார்கள். அங்குதான் விஜய் நடிக்கும் பிரமாண்டமான ஆக்சன் கட்சி மற்றும் முக்கியத்துவம் வாய்ந்த ஒரு பாடல் காட்சியும் படமாக்கப்படுகிறதாம். அந்த வகையில் அக்டோபர் இறுதிக்குள் பீஸ்ட் படப்பிடிப்பு முடிவுக்கு வந்து விடும் என்றும் செய்திகள் வெளியாகியுள்ளன.