![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
மோகன்லாலை போலத்தான் கஜோலும் : பிரமிக்கும் பிரித்விராஜ்
ஜூலை 29, 2025
Advertisement
நடிகர் பிரித்விராஜ் நடிப்பில் கடந்த ஓராண்டில் மலையாளம், தெலுங்கு, ஹிந்தி என மாறி மாறி படங்கள் வெளியாகின. மோகன்லாலை வைத்து லூசிபர் இரண்டாம் பாகமாக எம்புரான் படத்தையும் இயக்கி வெளியிட்டார். இந்த நிலையில் தற்போது ஹிந்தியில் அவர் நடித்துள்ள சர்ஷமீன் என்கிற படம் திரையரங்குகளுக்கு வராமல் ஜூலை 25ஆம் தேதி நேரடியாக ஜியோ ஹாட் ஸ்டார் ஓடிடி தளத்தில் வெளியானது. இந்த படத்தில் கதாநாயகியாக கஜோல் நடித்துள்ளார். பிரபல இயக்குனர் கரண் ஜோஹர் தயாரித்திருக்கிறார்.
இந்த படத்தில் நடிகை கஜோலுடன் நடித்த அனுபவம் குறித்து பிரித்விராஜ் கூறும்போது, “கஜோல் ஒரு அற்புதமான நடிகை. அவரைப் போன்றவர்களுடன் நடிக்கும் போது உங்களுக்கான ஆட்டத்திற்காக ஒரு களத்தை தயார் செய்து விட்டு எதிரே நிற்பார்கள். சில நடிகர்களுடன் காட்சிகளை படமாக்கும் முன் ரிகர்சல் பார்த்தாலும் சரி, இல்லை ஒன்றுக்கு ஐந்து முறை ரீடேக் எடுத்தாலும் சரி ஒவ்வொரு முறையும் நடிப்பில் வெவ்வேறு விதமாக வித்தியாசம் காட்டக் கூடியவர்களாக இருப்பார்கள். நடிகை கஜோலும் அப்படிப்பட்டவர் தான். இதற்கு முன்னதாக நடிகர் மோகன்லாலிடம் தான் இப்படி ஒரு சிறப்பம்சத்தை பார்த்திருக்கிறேன்” என்று கூறியுள்ளார்.
இந்த படத்தில் நடிகை கஜோலுடன் நடித்த அனுபவம் குறித்து பிரித்விராஜ் கூறும்போது, “கஜோல் ஒரு அற்புதமான நடிகை. அவரைப் போன்றவர்களுடன் நடிக்கும் போது உங்களுக்கான ஆட்டத்திற்காக ஒரு களத்தை தயார் செய்து விட்டு எதிரே நிற்பார்கள். சில நடிகர்களுடன் காட்சிகளை படமாக்கும் முன் ரிகர்சல் பார்த்தாலும் சரி, இல்லை ஒன்றுக்கு ஐந்து முறை ரீடேக் எடுத்தாலும் சரி ஒவ்வொரு முறையும் நடிப்பில் வெவ்வேறு விதமாக வித்தியாசம் காட்டக் கூடியவர்களாக இருப்பார்கள். நடிகை கஜோலும் அப்படிப்பட்டவர் தான். இதற்கு முன்னதாக நடிகர் மோகன்லாலிடம் தான் இப்படி ஒரு சிறப்பம்சத்தை பார்த்திருக்கிறேன்” என்று கூறியுள்ளார்.
Advertisement
வாசகர்கள் கருத்துகள்
முதல் நபராக கருத்து தெரிவியுங்கள்!