தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்

நடிகர் தனுஷை வைத்து இயக்குனர் ஆனந்த் எல் ராய், பாலிவுட்டில் ராஞ்சனா மற்றும் அட்ரங்கி ரே ஆகிய படங்களை ஏற்கனவே இயக்கினார். தற்போது மீண்டும் தனுஷை வைத்து ஹிந்தியில் தேரே இஸ்க் மெய்ன் என்கிற படத்தை இயக்கி வருகிறார். இதில் கதாநாயகியாக கிர்த்தி சனோன் நடித்து வருகிறார். தமிழில் தனுஷ் நடிகராக மட்டுமில்லாமல் இயக்குனராகவும் பிஸியாக இருப்பதால் இந்த படத்தின் படப்பிடிப்பு இடைவெளி விட்டுவிட்டு நடைபெற்று வருகிறது.

அந்த வகையில் ஏற்கனவே வாரணாசி மற்றும் டில்லியில் இதன் படப்பிடிப்பு நிறைவு பெற்ற நிலையில், தற்போது மும்பையில் இதன் படப்பிடிப்பு நடைபெற்று வருகிறது. இதில் கலந்து கொண்டு நடித்து வருகிறார் கிர்த்தி சனோன். அவருக்கு இந்த படத்தில் இறுதி கட்டப்பட படப்பிடிப்பு இதுவாகும். இந்த கதாபாத்திரத்திற்காக இதுவரை இல்லாத வகையில் நடிப்பில் ஒரு புதிய பரிமாணத்தை கிர்த்தி சனோன் வெளிப்படுத்தி உள்ளாராம்.