நஷ்டத்துடன் ஓட்டத்தை முடிக்கும் வார் 2

அயன் முகர்ஜி இயக்கத்தில், ஹிருத்திக் ரோஷன், ஜுனியர் என்டிஆர், கியாரா அத்வானி மற்றும் பலர் நடிப்பில் கடந்த மாதம் வெளியான படம் "வார் 2". மிகவும் எதிர்பார்க்கப்பட்ட இந்தப் படம் எதிர்பாராத விதத்தில் தோல்வியை சந்தித்தது.

சுமார் 300 கோடிக்கும் அதிகமான பட்ஜெட்டில் தயாரான இந்தப் படத்தின் உலக அளவிலான தியேட்டர் வியாபாரமும் 300 கோடி வரை நடந்தது. அவ்வளவு தொகையை வசூலிக்க இந்தப் படம் குறைந்த பட்சம் 500 கோடியைக் கடந்து வசூலிக்க வேண்டும். ஆனால், உலக அளவில் சுமார் 350 கோடி வசூலை மட்டுமே கடந்துள்ளது.

இந்தியாவில் சுமார் 280 கோடி வசூலையும், வெளிநாடுகளில் 70 கோடி வசூலையும் பெற்றுள்ளது. இந்திய வசூலில் ஜிஎஸ்டி வரி போக 240 கோடிதான் நிகர வசூல். அதில் பங்குத் தொகையெல்லாம் பிரித்தால் கிடைப்பது நஷ்டம் மட்டுமே. ஜுனியர் என்டிஆர் நடித்ததால் தெலுங்கிலும் அதிகம் எதிர்பார்க்கப்பட்ட படம் அங்கு 60 கோடி வசூலை மட்டுமே கடந்துள்ளது.

மொத்தத்தில் 200 கோடிக்கும் கூடுதலான நஷ்டத்தை இந்தப் படம் கொடுக்கும் என பாக்ஸ் ஆபீஸ் வட்டாரங்கள் தெரிவிக்கின்றன.