தடம் இந்தி ரீமேக் : (தடு)மாறிய ஹீரோ

கடந்த 2019ல் மகிழ்திருமேனி இயக்கத்தில் வெளியாகி அருண் விஜய்க்கு மிகப்பெரிய ஹிட் படமாக அமைந்தது "தடம்". மாறுபட்ட இரண்டு வேடங்களில் மிகச் சிறப்பான நடிப்பை வெளிப்படுத்தியிருந்தார் அருண் விஜய். இந்த படத்தின் வெற்றியை தொடர்ந்து தெலுங்கிலும் இந்தியிலும் இதன் ரீமேக் உரிமை விலைபோனது. தெலுங்கில் ராம் பொத்தினேனி நடிக்க, இதன் இந்தி ரீமேக்கில் நடிகர் சித்தார்த் மல்ஹோத்ரா நடிக்க ஒப்பந்தமானர்.

அறிமுக இயக்குனரான வர்தன் கெட்கர் இந்தப்படத்தை இயக்க, தெலுங்கு படமான அர்ஜுன் ரெட்டியை இந்தியில் கபீர்சிங் ஆக ரீமேக் செய்த தயாரிப்பாளர்கள் தான் இந்தப் படத்தையும் இந்தியில் தயாரிக்கிறார்கள். இந்தநிலையில் கதையில் செய்யப்பட்ட சில மாற்றங்களில் உடன்பாடு இல்லாததால், இந்தப்படத்தில் இருந்து சித்தார்த் மல்ஹோத்ரா விலகிக்கொள்ள, அவருக்கு பதிலாக தற்போது ஆதித்யா ராய் கபூர் நடிக்க இருக்கிறாராம்.