தனுஷுடன் ஆர்வமாக செல்பி எடுத்துக்கொண்ட கங்கனா

டில்லியில் 67வது தேசிய திரைப்பட விருதுகள் வழங்கப்பட்டன. இதில் தேசிய விருதுக்காக தேர்வு பெற்றவர்கள் கலந்து கொண்டு தங்களது விருதுகளை பெற்றுக் கொண்டனர். அந்தவகையில் தமிழில் அசுரன் படத்தில் சிறந்த நடிப்பை வெளிப்படுத்தியதற்காக தனுஷுக்கு தேசிய விருதுவழங்கப்பட்டது.

இந்த நிகழ்வில் பாலிவுட் நடிகை கங்கனா ரணவத்தும் கலந்துகொண்டு மணிகர்ணிகா மற்றும் பங்கா படத்தில் நடித்ததற்காக சிறந்த நடிகைக்கான தேசிய விருதை பெற்றுகொண்டார், அப்போது நடிகர் தனுஷுடன் ஆர்வமாக செல்பி எடுத்துக் கொண்டார் கங்கனா. தலைவி படத்தில் நடித்துள்ள கங்கனா சமீபகாலமாக தமிழ் திரையுலகம் பக்கம் தனது கவனத்தை திருப்பியுள்ளார். அந்தவகையில் அடுத்து தனுஷுடன் அவர் ஒரு படத்தில் இணைந்து நடித்தாலும் ஆச்சர்யப்படுவதற்கில்லை.