ரயிலில் இருந்து குதித்த நடிகை படுகாயம்: ஆஸ்பத்திரியில் அனுமதி

பாலிவுட்டின் முன்னணி நடிகைகளில் ஒருவர் கரிஷ்மா சர்மா. பியார் கா புன்ஜென்மா, ஹோட்டல் மிலன், சூப்பர் 30, ஏக் வில்லன் ரிட்டர்ன் உள்ளிட்ட பல படங்களில் நடித்துள்ளார். இதுதவிர வெப் தொடர்கள், தொலைக்காட்சி தொடர்களிலும் நடித்துள்ளார்.

தற்போது அவர் நடித்து வரும் ஒரு படத்தின் படப்பிடிப்பு மும்பை புறநகர் பகுதியில் நடந்து வருகிறது. காரில் சென்றால் போக்குவரத்து நெரிசலில் சிக்கி காலதாமதமாகிவிடும் என்பதால் தனது உதவியாளர்களுடன் புறநகர் ரயிலில் செல்ல முடிவு செய்து உதவியாளர்களுடன் சென்றார்.

அப்போது ரயில் கிளம்பியதால் அவசர அவசரமாக கரிஷ்மா ரயிலில் ஏறிவிட்டார். ஆனால் அவரது உதவியாளர்கள் ஏறவில்லை. இதனால் பதட்டம் அடைந்த கரிஷ்மா ஓடும் ரயிலில் இருந்து குதித்தார். இதில் நிலைதடுமாறி விழுந்த அவர் பலத்த காயம் அடைந்தார். உடனடியாக அவரை அருகில் உள்ள மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.