Dinamalar

'எல் 2 எம்புரான்' டிரைலர்களில் 'லைக்கா' பெயர்

பிரித்விராஜ் சுகுமாரன் இயக்கத்தில், மோகன்லால், டொவினோ தாமஸ், மஞ்சு வாரியர் மற்றும் பலர் நடிப்பில் அடுத்த வாரம் மார்ச் 27ம் தேதி வெளியாக உள்ள மலையாளப் படம் 'எல் 2 எம்புரான்'. தமிழில் முன்னணி தயாரிப்பு நிறுவனங்களில் ஒன்றான லைக்கா புரொடக்ஷன்ஸ் நிறுவனம் இப்படத்தை ஆசீர்வாத் சினிமாஸ் நிறுவனத்துடன் இணைந்து தயாரித்தது. ஆனால், கடந்த வாரம் இப்படத்திலிருந்து லைக்கா நிறுவனம் விலகியதாக தகவல் வெளியானது. அவர்களது பங்கு மொத்தத்தையும் ஸ்ரீ கோகுலம் மூவீஸ் வாங்கியதாகச் சொன்னார்கள்.

மோகன்லால், இயக்குனர் பிரித்விராஜ் சுகுமாரன் உள்ளிட்டவர்கள் எக்ஸ் தளத்தில் பதிவிட்ட பதிவுகளில் லைக்கா நிறுவனப் பெயரை 'டேக்' செய்யவில்லை.

இதனிடையே, இன்று வெளியான டிரைலர்களில் ஆரம்பத்திலேயே லைக்கா லோகோ இடம் பெற்றுள்ளது. அதோடு தயாரிப்பாளர் பெயரில் சுபாஷ்கரன் பெயரையும் சேர்த்துள்ளார்கள். ஆனால், யூடியூப் தளத்தில் டிரைலருக்கான விளக்கத்தில் இடம் பெறும் கலைஞர்கள் பெயர்களில் லைக்கா பெயர் சேர்க்கப்படவில்லை.

இந்த டிரைலரையும் லைக்கா நிறுவனம் அவர்களது எக்ஸ் தளத்தில் பதிவிடவில்லை. என்ன நடந்தது என்பது குறித்து படக்குழுவில் சம்பந்தப்பட்ட யாருமே அதிகாரப்பூர்வமாகத் தெரிவிக்கவில்லை.

• 
  காமெடி முதல் கிரைம் த்ரில்லர் வரை : இந்த வார ஓடிடி ரிலீஸ்......!
• 
  வாரணாசி-க்கு பின்னணி இசை அமைப்பது எப்போது... : கீரவாணி கொடுத்த அப்டேட்
• 
  'சர்வம் மாயா' நாயகிக்கு பாராட்டுடன் பரிசும் அனுப்பிய சூர்யா ஜோதிகா
• 
  நன்றி சொன்னார் எஸ்.பி.முத்துராமன் : கண்கலங்கினார் வி.சி.குகநாதன்
• 
  அஞ்சு ரூபாய் டாக்டர் போன்ற கதாபாத்திரத்தில் நடிக்கும் மம்முட்டி

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்