Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » நட்சத்திரங்களின் பேட்டி »

புதுமுகம் அறிமுகம் - நடிகை கோபிகா உன்னிகிருஷ்ணன்

04 டிச, 2022 - 16:16 IST
எழுத்தின் அளவு:
gopika-unnikrishnan-exclusive

பஞ்சுப் பாதங்களை முத்தமிட பாயும் அலைகள், நீயே அழகியென சத்தமிட உயிர் பெற்றிடும் சிலைகள்... மண்ணில் உலாவும் என்றுமே தேயாத அழகு நிலா, துள்ளி திரியும் மான் இனங்களில் நீ மிளா, இளசுகளின் இதயங்களுக்கு வலை வீசும் கூந்தல், கனவுகளை களவாடும் கண்கள்... என கேரளாவில் இருந்து தமிழ் சினிமாவில் நடிகையாக அறிமுகமாகும் கோபிகா உன்னிகிருஷ்ணன் மனம் திறக்கிறார்...
இவ்வளவு அழகாக இருக்கீங்களே எங்கே இருக்கீங்க
கேரளாவில் என் சொந்த ஊர் திருச்சூரில் தான் இருக்கேன்... மலையாள டிவி சேனல்களில் நிறைய நிகழ்ச்சிகள் பண்றேன். பிளஸ் 2 முடித்ததும் மாடலிங் துறைக்கு வந்துட்டேன். முதன் முதலாக தமிழ் படத்தில் ஹீரோயினாக அறிமுகமாகிறேன்.

மலையாளம் டூ தமிழ் சினிமாவில அறிமுகம் எப்படி
மாடலிங் பண்ணிட்டு இருக்கும் போதே தமிழில் வாய்ப்பு வந்ததால் ஓகே சொல்லிட்டேன். மாடலிங், டிவி நிகழ்ச்சிகள் என ரொம்ப செலக்ட் பண்ணி தான் பண்ணுவேன். அப்படி தான் தமிழில் நடிக்க கதைகளை தேடிய போது இது கிடைத்து.

என்ன படம், என்ன கதை, இயக்குனர் ஹீரோ யார்
அதெல்லாம் இப்போ சொல்ல முடியாது சஸ்பென்ஸ்... நயன்தாரா உடன் நடித்த ஒரு பிரபல ஹீரோ தான் நடிக்கிறார். நான் கிராமத்து பெண்ணாக நடிக்கிறேன். காதல், காமெடி, ஆக் ஷன் என கமர்ஷியல் படமாக இருக்கும். இதை மட்டும் தான் இப்போ சொல்ல முடியும்...

தமிழ் ரசிகர்கள்...
தமிழ் பிடிக்கும்... தமிழ் ரசிகர்கள் புது முகங்களுக்கு நல்ல வரவேற்பு கொடுப்பாங்க. இந்த படம் தமிழ்நாடு, கேரளாவில் படமாக்குறாங்க. கேரளாவிலேயே பாதி படப்பிடிப்பு முடிந்தது. அடுத்து என் கேரக்டர் உட்பட மீதி படப்பிடிப்புக்கு வெயிட்டிங்.

மாடல் அழகியான நீங்கள் எப்படி நடிக்க கத்துகிட்டீங்க
நடிப்புக்காக பயிற்சி எடுக்கலை... பல படங்கள் பார்த்து நானே கத்துகிட்டேன். அது தான் எனக்கு வாய்ப்பு தேடி கொடுத்திருக்கு. முதல் தமிழ் படத்திலேயே நடிப்பை நிரூபித்து, பல படங்களில் நடிக்க ஆர்வமாக இருக்கிறேன்.

சமீபத்தில் பார்த்த தமிழ்படம், ரீல்ஸ் நடிப்பு
சமீபத்தில் தனுஷ் நடித்த 'திருச்சிற்றம்பலம்' பார்த்தேன். இன்ஸ்டாவில் ரீல்ஸ் பண்றது பிடிக்கும். நானே என் இன்ஸ்டாவை ஹேண்டில் பண்றதால அடிக்கடி ரீல்ஸ் பண்ண முடியலை. கராத்தே, பரதம், ஓவியம் தெரியும்.

இதுவரை நீங்கள் பெற்ற விருதுகள் எதுவும் இருக்கா
ஒரு நிறுவனத்தின் 2021ல் 'மிஸ் இந்தியா' விருது வாங்கியிருக்கேன். உமன் பிட்நஸ் பிசிக்ஸ் கேரளா டைட்டில் வின்னர் பட்டமும் கிடைச்சிருக்கு. இனி சினிமாவில் நடித்து விருதுகள் வாங்குறது தான் லட்சியம். அதை நோக்கி தான் ஓடிகிட்டு இருக்கேன்.

Advertisement
கருத்துகள் (0) கருத்தைப் பதிவு செய்ய
இது கம்பத்து மெட்டு - இசையமைப்பாளர்  சாம் சி.எஸ்இது கம்பத்து மெட்டு - இசையமைப்பாளர் ... சென்னைக்கு வேண்டும் பிலிம் சிட்டி : விஷால் 'ஓப்பன்' டாக் சென்னைக்கு வேண்டும் பிலிம் சிட்டி : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in