Advertisement

சிறப்புச்செய்திகள்

டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |

நீங்கள் இங்கே இருக்கிறீர்கள்: முகப்பு » நட்சத்திரங்களின் பேட்டி »

சார்பட்டா பட தாக்கத்தில் என்னையும் வெளுத்து விட்டான்! நடிகர் ஆர்யா குறித்து விஷால் ருசிகரம்

07 நவ, 2021 - 08:49 IST
எழுத்தின் அளவு:
Vishal-talk-about-Arya

எனிமி பட இறுதிக் காட்சி படப்பிடிப்பின்போது, நிப்பாட்டு... நிப்பாட்டு... என கூறியபடியே, என் முகத்தை மூடியபடி குத்து வாங்கிக் கொண்டிருந்தேன். சார்பட்டா பட தாக்கத்தில் என்னை வெளுத்து விட்டான், என, நடிகர் ஆர்யா குறித்து விஷால் தெரிவித்தார். நண்பர்களின் எனிமி குறித்து அவர் நம்மிடம் பகிர்ந்ததாவது:


நண்பர்கள் எனிமி ஆனது ஏன்?


நான் இந்த காரியத்தை செய்தேன். ஆனந்த் கதை சொல்லும் போதே ஆர்யா தான் வில்லன் பாத்திரத்திற்கு ஏற்றவர் என்றார். ஏற்கனவே இரும்புத்திரை படத்திற்கு வில்லனாக நடிக்க ஆர்யாவை கேட்டிருந்தோம். அந்நேரத்தில் அவரால் முடியவில்லை. வில்லனுக்கு முக்கியத்துவம் தரும்போது, நாயகனுக்கும் வலு கூடி விடுகிறது. இப்படத்தில் ஹீரோ - ஹீரோயின் கெமிஸ்ட்ரியை விட, ஹீரோ - வில்லன் கெமிஸ்ட்ரி நல்லா ஒர்க் அவுட் ஆகியுள்ளது.


ஆர்யாவுடன் மோதிய காட்சிகள் தத்ரூபமாக வந்துள்ளதே?


இறுதிக்காட்சியில் ஆர்யாவிடம் நான், நிப்பாட்டு... நிப்பாட்டு... என கூறியபடியே, என் முகத்தை மூடியபடி குத்து வாங்கிக் கொண்டிருந்தேன். படத்தில் பார்த்தாலும் அது தெரியும். மாஸ்டரே போதும் என சொல்லியும் அவன் விடவில்லை. சார்பட்டா படம் முடிந்ததும் வந்த வேகத்தில் என்னையும் வெளுத்து விட்டான். நிஜத்தில் பாக்ஸிங் போட்டிக்கு சென்றாலும் ஆர்யா ஜெயிக்கலாம். இந்த மாதிரி ஒரு கூட்டணி மீண்டும் வருமா என தெரியாது.


எனிமி படம் வெளியிடுவதில் தயாரிப்பாளருக்கு ஏற்பட்ட சிக்கல் குறித்து?


கடந்த 12 ஆண்டுகளுக்கு முன், தீபாவளி என்றால் நான்கு படம் வெளியாகும். அப்போது தியேட்டர்களும் 1,200 இருந்தன. ஆனால் இப்போது 900 தியேட்டர்கள் செயல்படுகின்றன. எனிமி தயாரிப்பாளர் வினோத்குமார், 250 தியேட்டர் வேண்டும் என்றார்; அதில் தப்பே இல்லை. இது குறித்து உதயநிதியிடம் பேசினோம். தற்போது கிட்டத்தட்ட 250 தியேட்டர்களை நெருங்கிவிட்டோம்.


பழைய விஷாலை காணோமே?


எனக்கான வேலையை பார்த்தபடி தான் இருக்கிறேன். நடிகர் சங்க இறுதி தீர்ப்பு வர உள்ளது. சாதகமாக வரும் என நினைக்கிறேன். கட்டட வேலையை முடிக்க காத்திருக்கிறோம்.


அப்போ, அடுத்த தீபாவளி தல தீபாவளியா?


இப்போதைக்கு படங்கள் தொடர்ந்து போய் கொண்டிருக்கின்றன. மற்றவை எல்லாம் நடக்கும் போது நடக்கும்.


தயாரிப்பாளர் வினோத்குமார் குறித்து?


நாயகனுக்கும், தயாரிப்பாளருக்கும் ஒரு புரிதல் இருந்தால் தான் படம் நன்றாக வரும். எனக்கு எப்போதும் அப்படி அமையவில்லை. ஏதாவது ஒரு கசப்பான சம்பவம் நடந்து விடும். ஆனால் வினோத்குமார் அப்படியில்லை. அவருக்கு ஆண்டுக்கு ஒரு படம் நடிக்க ஒப்புக் கொண்டிருக்கிறேன். வினோத் சினிமாவை ரசித்து தயாரிக்கிறார். நம்மளே தயாரித்து நடிக்காமல், வெளி தயாரிப்பாளர்களுக்கும் நடிக்க வேண்டும்.


அடுத்தடுத்த படங்கள்?


வீரமே வாகை சூடும் அடுத்தாண்டு வெளியாகும். துப்பறிவாளன் - 2 நான் தத்தெடுத்த பிள்ளை; அதுவும் அடுத்தாண்டு வெளியாகும். என் கனவுப்படம் அடுத்தது ஆரம்பிக்கும்.


ஓ.டி.டி., வரவை எப்படி பார்க்கிறீர்கள்?


அவர்கள் அனைத்து படத்தையும் வாங்குவதில்லையே. சின்ன படங்கள் இன்னும் தடுமாறியபடி தான் உள்ளன. 50 - 60 படங்கள் வெளியாகாமல் காத்திருக்கின்றன.


ஏமாற்றத்தை எப்படி எடுத்துக் கொள்கிறீர்கள்?


எல்லாமே பாடம் தானே. ஏமாற்றத்தை வரவேற்கிறேன். வாழ்க்கையில் நாம் கற்கும் விஷயம், புத்தகத்தில் கிடைக்காது.கஷ்டப்பட்ட நடிகர் சங்க உறுப்பினர் பெண்மணி ஒருவருக்கு கடந்த நான்காண்டுகளாக பென்ஷன் கொடுத்து வந்தோம். ஆனால் சமீபத்தில் நடந்த சங்க தேர்தலில், அவர் எதிரணிக்கு சென்று ஓட்டு போட்டார். இதுவும் ஒரு பாடம்.


நடிகர் சங்க கட்டடத்தை முடிக்க என்ன பிளான் வைத்துள்ளீர்கள்?


நான்கு மாதம் இருந்திருந்தால், நாங்களே கட்டி முடித்திருப்போம். இன்னும் 15 கோடி ரூபாய் தேவை. துருப்பிடித்த கம்பிகளை சரிசெய்யவே, 1.5 கோடி ரூபாய் தேவை. அந்த சாலையில் செல்லவே மனம் கனக்கிறது. தீர்ப்பை எதிர்பார்த்துள்ளேன். சாதகமாக வந்தால், நிதி திரட்டி கட்டடத்தை முடித்து விடுவோம்.


தெலுங்கு சினிமா சங்கத்தில் பிரகாஷ்ராஜ் தோல்வியை எப்படி பார்க்கிறீர்கள்?


இங்கு ராதிகா அம்மா, என்னை விஷால் ரெட்டி என்றார். அதுபோல் பிரகாஷ் ராஜை அவர்கள் கன்னடிகா என்றனர். எனக்கு சாதகமாக அமைந்தது போல பிரகாஷ் ராஜுக்கு அமையவில்லை. என்னைப் பொறுத்தவரை அனைவருமே இந்தியன்!


- நமது நிருபர் -


Advertisement
கருத்துகள் (0) கருத்தைப் பதிவு செய்ய
ஆடிஷன் என்ற பெயரில் அழைத்து பாழாக்கிவிடுவர்; நடிகை ராஜேஸ்வரி எச்சரிக்கைஆடிஷன் என்ற பெயரில் அழைத்து ... மதுரைனு சொன்னாலே கெத்து...: வைஷ்ணவி அருள்மொழி மதுரைனு சொன்னாலே கெத்து...: வைஷ்ணவி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in