ஷாம்

மாடலிங் துறையில் இருந்து சினிமாவுக்கு வந்தவர் நடிகர் ஷாம். 1977ம் ஆண்டு, ஏப்ரல் 4ம் தேதி, மதுரையில் பிறந்த ஷாம், பின்னர் பெங்களூருக்கு இடம்பெயர்ந்தார். அங்கு தனது படிப்பை முடித்து விட்டு மாடலிங் துறையில் பணியாற்றியபடி சினிமாவிலும் முயற்சித்து வந்தார். ஜீவா இயக்கிய 12 பி படத்தின் மூலம் தமிழ் சினிமாவில் ஹீரோவாக அறிமுகமான ஷாம், தொடர்ந்து ஏய் நீ ரொம்ப அழகா இருக்க, லேசா லேசா போன்ற படங்களில் சாக்லேட் ஹீரோவாக வலம் வந்தார். தமிழ் மட்டுமல்லாது தெலுங்கு சினிமாவில் பிரபல நடிகராக இருக்கும் ஷாம், 6 என்ற படத்தை தயாரித்து தயாரிப்பாளராகவும் மாறினார். மேலும் இப்படத்திற்கான தனது உடலை கடுமையாக வருத்தி நடித்தார், குறிப்பாக தனது கண்களை வீங்க வைக்க பல நாட்கள் தூங்காமல் இருந்துள்ளார் ஷாம். தொடர்ந்து தமிழ் மற்றும் தெலுங்கு மொழிகளில் நடித்து வருகிறார்.