Dinamalar

13 வருடம் கழித்தும் அந்த மேஜிக் நடக்குமா ? தனுஷ் ஆர்வம்

தமிழில் ஹிட்டான படங்களை தெலுங்கிலும் தெலுங்கில் ஹிட்டான படங்களை தமிழிலும் ரீமேக் செய்து வெற்றி பெறுவது தொடர்ந்து வரும் நிகழ்வுதான். அதேசமயம் தெலுங்கில் இளம் நடிகராக இருந்த ஜூனியர் என்டிஆர் நடித்து வெற்றிபெற்ற சிம்மாத்ரி போன்ற படத்தை, இங்கே அவரைவிட இரட்டிப்பு வயது கொண்ட விஜயகாந்த் போன்ற சீனியர் நடிகர் நடிப்பில் கஜேந்திராவாக வெளிவந்தபோது பிளாப் ஆன நிகழ்வுகளும் உண்டு.

அப்படித்தான் 2007ல் வெங்கடேஷ் நடிப்பில் செல்வராகவன் இயக்கத்தில் தெலுங்கில் ஹிட்டான ஆடவாரி மாட்டலக்கு அர்த்தாலே வேறுலே படத்தை, அப்போது இளம் நடிகராக இருந்த தனுஷை வைத்து யாரடி நீ மோகினி என ரீமேக் செய்தனர். சீனியர் நடித்த கதை ஜூனியருக்கு பொருந்துமா என்கிற சந்தேகம் எழுந்த நிலையில், தனுசுக்கு அந்த கதாபாத்திரம் சரியாக பொருந்தி படமும் சூப்பர் ஹிட்டானது. தொலைக்காட்சியில் அடிக்கடி ஒளிபரப்பப்படும் படங்களில் அதுவும் ஒன்றாகி போனது.

இந்த நிலையில்தான் கிட்டத்தட்ட 13 வருடங்கள் கழித்து இங்கே தனுஷ் நடிப்பில் ஹிட்டான அசுரன் படத்தை தற்போது அதே வெங்கடேஷ் நரப்பா என்கிற பெயரில் ரீமேக் செய்து நடித்துள்ளார். இந்த படம் விரைவில் வெளியாக உள்ளது. ஓடிடியில் இந்த படத்தை வெளியிடலாம் என ஒருபக்கம் தயாரிப்பாளர்கள் நினைத்தாலும், வெங்கடேஷ் ரசிகர்களின் எதிர்ப்பும் எதிர்பார்ப்பும் அதிகமாக இருப்பதால் தியேட்டரில் வெளியிடும் முடிவுக்கு தயாரிப்பாளர்கள் வந்துள்ளனராம்.

அதற்கேற்ற மாதிரி வெகுவிரைவில் தியேட்டர்களும் திறக்கப்படும் என தெரிகிறது. இந்த நிலையில் எப்படி வெங்கடேஷ் படத்தை தான் ரீமேக் செய்து நடித்து, அதனால் மிகப்பெரிய வெற்றியை பெற்றோமோ, அதேபோல தன்னுடைய படத்தை தற்போது ரீமேக் செய்து நடித்திருக்கும் வெங்கடேஷுக்கும் அதேபோன்ற வெற்றி கிடைக்க வேண்டுமென, தனுஷ் நரப்பாவின் ரிலீஸ் தேதியை ரொம்பவே ஆர்வமாக எதிர்பார்க்கிறாராம். 13 வருடத்திற்கு பிறகும் அந்த மேஜிக் நடக்குமா என பொறுத்திருந்து பார்ப்போம்.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  வேண்டுமென்றே சர்ச்சை... நீக்காவிட்டால் சட்ட நடவடிக்கை: ராஷ்மிகா ...
• 
  சிம்புவை அணுகிய சூர்யா 47 படக்குழு
• 
  பிளாஷ்பேக்: பாடலாசிரியராக, வசனகர்த்தாவாக கலையுலகின் கவனம் ஈர்த்த ...
• 
  காமெடி கலந்த க்ரைம் த்ரில்லர் படங்கள்: இந்த வார ஓடிடி வரவுகள்...!
• 
  என் மனைவி ஆர்த்தி இல்லை என்றால் தயாரிப்பாளராகி இருக்க மாட்டேன் : ...