இளையராஜா எல்லோருக்கும் மேலானவர் இல்லை : ஐகோர்ட் கருத்து | இசை ஆல்பத்தில் அஞ்சு குரியன் | ‛ஜெயிலர் 2' பற்றி வசந்த் ரவி பகிர்ந்த தகவல் | சர்வதேச விருது பட்டியலில் சண்டை இயக்குனர் அனல் அரசு | அமிதாப், ஏ.ஆர்.ரஹ்மானுக்கு லதா மங்கேஷ்கர் விருது | லிங்குசாமிக்கு கொடுத்த வாக்கை காப்பாற்றாத கமல் | வீர தீர சூரன் - 'டிராப்' ஆன படத்தின் பெயரில் 'விக்ரம் 62' | 'புஷ்பா 2' - ஹிந்தி உரிமை இவ்வளவு விலையா? | ரூ.5 கோடி தாண்டாத தமிழ்ப் படங்கள் : ரூ.50 கோடியைக் கடந்த மலையாளப் படங்கள் | வீர தீர சூரனாக மாறிய விக்ரம் |
ஆஸ்திரேலிய அணியின் கிரிக்கெட் வீரரும், ஐதராபாத் ஐபிஎல் அணியின் வீரருமான டேவிட் வார்னர், அவருடைய இன்ஸ்டாகிராம் தளத்தில் அடிக்கடி தெலுங்குத் திரைப்பட நடன வீடியோக்களைப் பதிவிடுவார்.
அவர் மட்டுமல்லாது அவரது மனைவி, குழந்தைகள் ஆகியோரும் அந்த வீடியோக்களில் நடிப்பார்கள். அவரது வீடியோக்களுக்கென்றே தனி ரசிகர் கூட்டம் உண்டு. இதுநாள் வரையில் தெலுங்குப் படப் பாடல்களை மட்டுமே பயன்படுத்தி வந்த டேவிட் வார்னர், தற்போது தமிழ்ப் பாடல்களையும் பயன்படுத்த ஆரம்பித்துள்ளார்.
தனுஷ், சாய் பல்லவியின் அதிரடியான நடனம் இடம் பெற்ற 'ரவுடி பேபி' பாடலை 'பேஸ்ஆப்' மூலம் தனுஷ் முகத்திற்குப் பதிலாக அவரது முகத்தைப் பொருத்தி வீடியோவை நேற்று வெளியிட்டார். அந்த வீடியோவிற்கு இதுவரையிலும் 28 லட்சத்திற்கம் மேற்பட்ட பார்வைகள் கிடைத்துள்ளது.
“பலரது வேண்டுகோளை ஏற்று மீண்டும்... இதற்குப் பெயர் வையுங்கள்,” எனக் கூறி தனுஷ், சாய் பல்லவி ஆகியோரை டேக் செய்துள்ளார். இம்மாதிரியான வீடியோக்களால் தான் இந்தியாவில் தனக்காக பல லட்சம் ரசிகர்களைப் பெற்றுள்ளார் டேவிட் வார்னர்.