மீண்டும் இந்தியன் 2 படப்பிடிப்பு எப்போது?: ஷங்கர் விளக்கம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

15 பிப், 2021 - 10:25 IST

எழுத்தின் அளவு:

Director-Shankar-about-Indian-2-shooting-resuming

கமல் - ஷங்கர் கூட்டணியில் உருவாகும் இந்தியன் 2 பட வேலைகள் ஆரம்பமானதில் இருந்தே பல்வேறு பிரச்சினைகளில் சிக்கியது. கிரேன் சரிந்து விபத்து ஏற்பட்டதைத் தொடர்ந்து இந்தியன் 2 படப்பிடிப்பு தற்காலிகமாக நிறுத்தப்பட்டது. அடுத்து கொரோனா பிரச்சினை தலைதூக்க படப்பிடிப்பு எப்போது தொடங்கும் என்பது கேள்விக்குறியானது.

இதற்கிடையே பிக் பாஸ் சீசனை தொகுத்து வழங்கிய கமல், அடுத்து தேர்தல் வேலைகளில் பிசியாகி விட்டார். இதனால் இப்போதைக்கு மீண்டும் இந்தியன் 2 படப்பிடிப்பு ஆரம்பமாகாது என்பது உறுதியாகி விட்டது.

இதனால் தெலுங்கு நடிகர் சிரஞ்சீவியின் மகன் ராம்சரண் கதாநாயகனாக நடிக்கும் ஒரு பிரமாண்டமான படத்தை இயக்க இருக்கிறார் ஷங்கர். தமிழ், தெலுங்கு மற்றும் இந்தி என மூன்று மொழிகளில் தயாராகும் இப்படத்தை பிரபல தெலுங்கு பட அதிபர்கள் தில்ராஜு, சிரிஷ் ஆகிய இருவரும் தயாரிக்கிறார்கள்.

ஷங்கரும் அடுத்தப் பட வேலைகளை ஆரம்பித்து விட்டதால் இந்தியன் 2 படம் டிராப் ஆவதாக சமூகவலைதளத்தில் ஒரு தகவல் வைரலானது. ரசிகர்கள் மத்தியில் காரசார விவாதமும் நடைபெற்றது.

இந்நிலையில் இந்தியன் 2 படம் பற்றி ஷங்கர் பேசியுள்ளார். அதில், “ராம்சரண் படம் குறுகிய கால தயாரிப்பாக இருக்கும். அதற்குள் தமிழக சட்டசபை தேர்தல் முடிவடைந்துவிடும். தேர்தல் பணிகள் முடிவடைந்ததும், 'இந்தியன்-2' படத்தின் அடுத்தகட்ட படப்பிடிப்பு தொடங்கும். அதில் கமல் கலந்துகொண்டு நடிப்பார்” எனத் தெரிவித்துள்ளார்.

director shankar

indian 2

kamal

டைரக்டர் ஷங்கர்

இந்தியன் 2

கமல்

கருத்துகள் (0) கருத்தைப் பதிவு செய்ய

விஜய்யை இயக்குகிறாரா மகன் சஞ்சய்?

ரீமேக் படங்களுக்கு எதிரானவள்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய