தமிழ் இயக்குனர்களைக் கவர்ந்த நாகார்ஜுனா ஹேர்ஸ்டைல் - Nagarjunas hairstyle impressed Tamil directors

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தமிழ் இயக்குனர்களைக் கவர்ந்த நாகார்ஜுனா 'ஹேர்ஸ்டைல்'

14 அக், 2025 - 01:05 IST

எழுத்தின் அளவு:

பெண்கள்தான் விதவிதமான ஹேர்ஸ்டைல் செய்ய முடியுமா, ஆண்கள் செய்ய முடியாதா என்ற கேள்வி ஆண்களிடம் எப்போதும் இருக்கும். அந்தக் காலத்தில் 'கிராப்' ஹேர்ஸ்டைல் மட்டும்தான் ஆண்களுக்கான பொதுவான ஹேர்ஸ்டைலாக இருந்தது. அதன் பின் 80களின் துவக்கத்தில் 'ஸ்டெப் கட்டிங்', பிற்பகுதியில் 'டிஸ்கோ கட்டிங்', 90களில் 'பன்க்' ஆகியவை பிரபலமாக இருந்தன. 90களில் சிறுவர்களாக இருந்து அந்த 'பன்க்' ஹேர்ஸ்டைலை ரசித்த சிலர்தான் இன்று தமிழ் சினிமாவில் முன்னணி இயக்குனர்களாக இருக்கிறார்கள்.

பிரவீண் காந்த் இயக்கத்தில் 1997ல் வெளிவந்த 'ரட்சகன்' படத்தில் அந்த 'பன்க்' ஹேர்ஸ்டைலில் வந்து பலரைக் கவர்ந்தவர் நாகார்ஜுனா. அதனால்தான் அதே போன்ற ஹேர்ஸ்டைலில் அவரைக் 'கூலி' படத்தில் நடிக்க வைத்தார் லோகேஷ் கனகராஜ். அவருக்குப் பிறகு அந்த ஹேர்ஸ்டைலில் மயங்கியவர் பிரதீப் ரங்கநாதன். இது குறித்து நாகார்ஜுனா தொகுத்து வழங்கும் 'பிக் பாஸ் தெலுங்கு' நிகழ்ச்சியில் 'டியூட்' படத்திற்காக அவர் சிறப்பு விருந்தினராகக் கலந்து கொண்ட போது பேசியுள்ளார்.

“நான் பள்ளியில் படிக்கும் போது, 'ரட்சகன்' படத்தில் நாகார்ஜுனா சாரின் ஹேர்ஸ்டைலால் ஈர்க்கப்பட்டு, அதே பன்க் ஹேர்கட் செய்தேன். ஆனால், என் அம்மா என்னை வீட்டுக்குள் அனுமதிக்கவில்லை. பின்னர், நான் அவரிடம் கெஞ்சினேன், சில நண்பர்களுக்கும் பள்ளியில் உள்ள பெண்களுக்கும் காட்டிய பிறகு அதை வெட்டிவிடுவேன் என்று. இப்போது, என் அம்மா என்னிடம் கேட்க முடியாது. ஆகவே, நான் நாகார்ஜூனா சாரைப் போல முடியை வளர்த்து வருகிறேன்,” என்று கூறியுள்ளார்.

Nagarjuna

Pradeep Ranganathan

Funk

Hair Style

கருத்துகள் (0) கருத்தைப் பதிவு செய்ய

ஓடிடியில் நேரடி படங்கள், வெப் ...

காதலரைக் கரம் பிடிக்க 15 வருடங்கள் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய