பிரச்னைகளால் பல விஷயங்களை கற்றுக்கொண்டேன்: சமந்தா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

15 செப், 2025 - 05:55 IST

எழுத்தின் அளவு:

தென்னிந்திய சினிமாவில் முன்னணி நடிகையாக இருந்தவர் சமந்தா. இடையில் தசை அழற்சி நோயால் பாதிக்கப்பட்டு, சிகிச்சைக்கு பின்னர் மீண்டு வந்து, தற்போது வெப் தொடர், படங்களில் நடித்து வருகிறார். தயாரிப்பாளராகவும் அவதாரம் எடுத்துள்ள சமந்தா, தொழில்முனைவோராகவும் இருக்கிறார்.

இந்த நிலையில் அகில இந்திய மேலாண்மை சங்கத்தின் மாநாட்டில் கலந்துகொண்ட சமந்தா, அவரது வாழ்க்கை குறித்து பேசியுள்ளார். அவர் கூறியதாவது: ஒரு நடிகராக உங்களது காத்திருப்பு காலம் மிகக் குறைவு என நினைக்கிறேன். நட்சத்திர அந்தஸ்து, புகழ் மற்றும் அங்கீகாரங்கள் ஒரு மயக்கத்தை அளிக்கலாம், அது எல்லாமே நீங்கள்தான் என்றும் நினைக்கலாம். ஆனால் அது உண்மையில்லை.

ஒரு நட்சத்திரமாக இருக்கும்போது நிறைய நன்மைகள் கிடைக்கும். ஆனால் அது உங்கள் சொந்த முயற்சியால் வந்தது மட்டுமே அல்ல. வெள்ளிக்கிழமைகளில் வெளியாகும் எனது படங்களின் முடிவால், மகிழ்ச்சி சிதைக்கப்பட்டது. ஆனால் கடந்த இரண்டு ஆண்டுகளாக எனது படங்களே வெளியாகாமல் இருந்தாலும், இதுவரை இல்லாத அளவிற்கு மகிழ்ச்சியாக இருக்கிறேன்.

100 பிரச்னைகள் இருப்பதாக பலரும் நினைக்கும் சூழலில், உடல்நலம் சார்ந்த பிரச்னைகள் வரும்போது, அது ஒன்று மட்டுமே நமக்குப் பிரச்னையாகத் தெரியும். எனது பிரச்னைகள் மூலம் பல விஷயங்களைக் கற்றுக்கொண்டேன். விளையாட்டில் வெற்றி தோல்வி என்பது முக்கியம் அல்ல, விளையாட்டைத் தொடர்வதுதான் முக்கியம். இவ்வாறு அவர் கூறினார்.

Samantha

சமந்தா

கருத்துகள் (0) கருத்தைப் பதிவு செய்ய

குட் பேட் அக்லி : நீதிமன்ற அவமதிப்பு ...

ஓடிடி : முதலிடத்தில் 'சாயரா', ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய